Ilulissani Majoriami ilinniartut ilinniarnertik naammassivaat.
Pisortaagallartoq, Helga Nielsen inuusuttut ilinniakkaminnik naammassisaqarnerannik pilluaqquai aamma ilinniartut ilinniarneranni ilinniartitsisut suliffeqarfiillu tapersersuinikut immikkut qutsavigalugit.
“Ilinniaqqinnissamut tunngatillugu aqqutissiuunneqarnissarsi pisariaqartikkussiuk Majoriamut utertuaannarsinnaavusi.”
Ilinniartut ilinniartitsisut ilaqutaasut qanigisaalu tamassi tikilluaritsi,
Maanna illissi ullumikkut ulloq inuunissinni pingaartoq ulloq pingaarsi, inuunissi sinneranut alloriaqqinnissassinnut matu ammaanneqarpoq. Ullumikkut allagartaq tingunerannut.
Inuuneq tamaat ilinniarfiuvoq taamaattumik utoqqaligaluarussiluunniit ilinniarneq aamma ingerlajuaannartussaavoq inuttut ineriartornitsinnut nukissamik ineriartorfiusarpoq.
Taamaattumik maanna aatsaat inuttut ineriartornissinni aallarnisaleruttulerpusi, inuttut nukittunerpaaffissinniippusi. Taamaattumik ilinniarnissamut aammalu suliffeqarfinnik misileraanissamut inuttut ineriartorfigisassassinnut appakaatilerpusi. Qanortoq eqeersimaarlusi aammalu nukissamik aallerfigalugu siunissami ingerlalluarisi.
Ilinniarnissinni ilinniartitsisussi aammalu suliffeqarfiit tapersersuisimanerannut angajoqqaat ikinngutisi nalunngisasilu tapersersuisut immikkut tamaasa quttavigisassaraagut ullumikkut una ulloq angunerannut, taakkuami aamma sapinngisatik tamaat inuunissinnut ingerlariaqqinnissinni siunnersorluartarpaasi oqaassilluarlutillu ingerlariaqqinnissassinnut. Tamanna inuttuttut nakooqqutigalugu maanna ullumikkut ulloq angusasi, immikkut aamma qujaffigerusuppakka tapersersuisut tamaasa. Ilinniartitsisut saaffigisartakkasilumi angajoqqaatullumi akisussaaffittut tunniusimallutik aamma ilissinnut ilinniartitisusi tunniusimammata. Qujanaq.
Ullumikkut Majoriami atuagarsornersi naammassivarsi, Majoriaq saaffissaajuartussaavoq ilinniaqqinnissamut, dk-mut atuariartussagussi aqqutissiuussisussaavugut, taamaattumik Majoriaq tunuarsimaarfiginasiuk saaffiginnittarniarisi ilissi pillusi sulivugut. Tikilluaqqusaajuaannarlusilu.
Siunissami ajunnginnerpaamik kissaallusi maanna aqqit taajukkakka allagartarssatik aassuaat.
Qujanaq.