Taamaattumik kommunip Kommunimut pilersaarummut tapiliussaq nr. 44 ILU 1200-C10, “Oqaluffiup, katersugaasiviup illutoqqallu eqqaat nuna eriagisaq”, suliarisimavaa, matumuunalu tamanut nalunaarutigineqarluni.
Oqaluffiup Ataa nuna eriagisassaavoq, qaannat nutaaliat qaannallu atorlugit qajartornermi atorneqartartoq. Qaannat peqatigiiffiata illuutaa allilerlugu sanaqqinneqassaaq, peqatigiiffittut ingerlatanut atugassanik amerlanerusunik imaqarluni, qaannallu nutaaliat ilitsivinni inissinneqarnissaannut immikkoortut pingasut immikkoortinneqarlutik.
Kommunimut pilersaarummut tapiliussap siunertaraa Oqaluffiup Ataani qaannat nutaaliat ilitsivinni aaqqissuussamik inissinneqartalernissaat, immikkoortortap isikkuata pitsaasuunissaa qulakkeerniarlugu. Tamatuma kingunerisaanik maanna Oqaluffiup Ataani nuna eriagisassami takornariartitsinermut atorneqartartut qaannat ilitsivinni ataavartumik inissinneqarsinnaalissapput.
Kommunimut pilersaarummut tapiliussaq tamakkerlugu uani atuarneqarsinnaavoq:
Kommunimut pilersaarummut tapiliussatut siunnersuut nr. 44
Apeqqutissaqarneruguit Pilersaarusiornermut Immikkoortortaqarfik attaveqarfigiuk. Pilersaarusiornermut Immikkoortortaqarfik ugguuna attaveqarfigineqarsinnaavoq: Plan@avannaata.gl
Sivitsukkamik tusarniaaneq 30.03.2026-imiit 20.04.2026 ilanngullugu ingerlanneqarpoq. Tassani kikkut tamarmik – innuttaasut, suliffeqarfiit, peqatigiiffiit, sullissiviit il.il. – akerliliissutinik, oqaaseqaatinik allannguutissatullu siunnersuutinik nassiussisinnaasimapput.