Ilulissani sanaartorfissaq atorneqanngitsoq
Sermermiut Aqqutaa-ni qitiusumik ingerlatsiveqarfimmi sanaartorfissamik atorneqanngitsumik saqqummiussineq.
Kommunimit Qitiusumik ingerlatsiveqarfik 21 sanaartorfissatut atorneqanngitsutut matumuuna saqqummiunneqarpoq.
Sanaartorfissaq 6-mi unnuisarfimmut, takornarianut ineqarfissamut, inuussutissarsiutigalugu niuertarfiutilinnut namminersortunut, neriniartarfimmut imaluunniit qitiusumik ingerlatsiveqarfimmi siunertanut assingusumut naatsorsuussaavoq.
20. septembari 2026 tungaanut nunaminertamik qinnuteqartoqarsinnaavoq imaluunniit inniminniisoqarsinnaavoq.
Qinnuteqaatit 21. septembari 2026 nal. 23.59 sioqqullugu takkussuuttut tamarmik nalilersuinermi ilaasinnaasutut isigineqassapput.
Qinnuteqaatit 21. septembari 2026 nal. 23:59 kingorna takkussuuttut tamarmik nalilersuinermi ilaasinnaasutut isigineqarnavianngillat.
Sermermiut Aqqutaani qitiusumik ingerlatsiveqarfimmut C21-mut Kommunimut pilersaarut.
Kommunimut pilersaarummut tapiliussaq uani atuarneqarsinnaavoq https://kommuneplania.avannaata.gl/dk/by-og-bygd/ilulissat/1200-c21-da/ imaluunniit Nunaminertalerivimmut, Sanaartornermut Avatangiisinullu Ingerlatsivimmiittumut (Teknikkeqarfimmut) saaffiginninnikkut pissarsiarineqarsinnaavoq.
Qinnuteqartutut pingaaruteqartorujussuuvoq misissoqqissaassallugu immikkoortumut pineqartumut aalajangersakkat suut atuunnersut kommunimut pilersaarummut tapiliussaq nr. 63 ILU1200-C21 "Sermermiut Aqqutaa, Qitiusumik ingerlatsiveqarfik" 27.03.2026-meersup atuarneratigut.
Qinnuteqartut tulliuttut eqqummaariffigissavaat:
- Kikkulluunniit inatsisitigut pisinnaatitaasut pisussaatitaasullu; inuit ataasiakkaat, suliffeqarfiit, piginneqatigiiffiit imaluunniit peqatigiiffiit qinnuteqarsinnaapput.
- Inuk suliffeqarfilluunniit sanaartorfissamut tassunga aamma/imaluunniit sanaartorfissamut ataasiinnarmik qinnuteqarsinnaavoq ataasiinnaasutut saqqummeqqaguni inatsisitigullu ataasiinnaasutut pisinnaassuseqaruni.
- Qinnuteqartutut akuerisat minnerpaamik aningaasanik attartornissaminnut uppernarsaammik takutitsissapput.
Sanaartorfissanik atorneqanngitsunik aalajangersakkat Avannaata Kommuneplaniami takuneqarsinnaapput: https://kommuneplania.avannaata.gl/dk/arealbestemmelser/om-arealtildelinger/ansoegning-om-arealtildeling/#B
Qinnuteqaat makkuninnga ilaqassaaq:
- Sanaartornermut piffissaliussaq piviusorsiortoq, taanna nunaminertanik inniminniinermut nunaminertanillu atugassiisarnermut piffissaliussamik malinnissaaq.
- Suliniutip nassuiarneqarnera, suna sanaartorneqarusunnersoq, siunertaalu allaganngorlugu aamma/imaluunniit titartaganngorlugu.
- Aningaasaliisinnaassuseqarnermik uppernarsaat. Qinnuteqartup sanaartortikkusutatut qinnuteqaammi piviusunngortinnissaanut aningaasatigut periarfissaqarnerminik uppernarsaassaaq.
Qinnuteqaatit paasissutissanik uppernarsaatinillu taaneqartunik imallit kisimik nalilersuinermi ilaatinneqassapput.
Qinnuteqartup qinnuteqaammi naammaginartuunissaa eqqortumillu ersarissarneqarnissaa akisussaaffigaa.
Qinnuteqartitsinermut piffissaliussaq sioqqullugu kommunip qinnuteqartunik nakkutilliinini ingerlannavianngilaa.
Qinnuteqaatit tamarmik 21. septembari 2026 nal. 23:59 sioqqullugu takkussuuttut tamarmik nalilersuinermi ilaasinnaasutut isigineqassapput. Qinnuteqaatit tamarmik 21. septembari 2026 nal. 23:59 takkussuuttut tamarmik nalilersuinermi ilaasinnaasutut isigineqarnavianngillat.
Atugassiinissamut ingerlariuseq:
Piffissaliunneqartup iluani nunaminertamut pineqartumut qinnuteqartunik naapertuuttunik amerlasuunik tigusaqartoqarsimappat nunaminertap kimut inniminnerneqarnissaa makitsinikkut aalajangiunneqarumaarpoq. Makitsineq kikkunnit tamanit peqataaffigineqarsinnaassaaq.
Qinnuteqartut ilisimatinneqarumaarput makitsineq sumi qaqugulu ingerlanneqassanersoq.
Paasissutissat amerlanerusut Sanaartornermut Avatangiisinullu Ingerlatsivimmiittumut (Teknikkeqarfimmut), Nunaminertalerivimmut saaffiginninnikkut pissarsiarineqarsinnaapput areal@avannaata.gl.
Nunaminertamik inniminniinissamut qinnuteqaat Nunaminertalerivimmut, Teknikkeqarfimmut nassiunneqassapput uunga: Noah Mølgårdip aqq. 9, Postboks 1023, 3952 Ilulissat, imaluunniit elektroniskimik uunga areal@avannaata.gl.