Illorput 2025, type 3, Qaarsut (Uummannaq)

Sanaartortitsisut, Avannaata Kommunia, Teknisk Forvaltning sinnerlugu matumuuna suliassaq qulaani pineqartoq tamanut ammasumik suliariumannittussarsiuunneqarpoq.

Sanaartugassaq nutaaq, Illorput 2025, type 3, 88 m² missaani angissusilik.

Suliassat immikkoortunut makkununnga suliariumannittussarsiuunneqarpoq, periarfissaalluni

suliassaq ataaseq, arlalallit tamaasaluunniit neqerooruteqarfigineqarsinnaallutik:

1. Suliassat nunamut tunngasut.
2. Sanasut, qalissialerisut, pequsiortut natilerisullu suliassaat il. il.
3. Qalipaasut suliassaat.
4. VVS-ilerisut suliassaat.
5. Innaallagisserisut suliassaat.

Suliassap tunniunneqarnissaanut »appasinnerpaamik akeqartitsineq« tunngavigineqassaaq.

Suliassamut pingaarnertut neqerooruteqarnermi, suliassatut ilaapput, neqerooruteqartitsivi-gineqartunut tamanut suliaqarnissamut aqutsinissamut ataqatigiissaarinissamullu, kiisalu pilersuisunut akiligassanut akisussaaffeqarnissaq. Suliassamut pingaarnertut neqerooruteqartut, suliassamut ataatsimik imaluunniit arlalinnut neqerooruteqartunut sanilliunneqartillugu, pingaarnertut neqerooruteqarnermi, suliassatut ilanngunneqarsimasut nalinga ilanngaatigineqassaaq neqerooruteqarnissamut atortussat aalajangersagaanut naapertuutillugu.

Neqerooruteqartoq suliariumannittussarsiuusinermi neqeroorutaa ilaatinneqassappat, neqerooruteqarnermini ilanngutissavaa:

1. Neqerooruteqartup pisortanut akiitsuinut uppernarsaat, sanaartortitsisorlu paasissutissanik allanik pisortanut aallersinnaaneranik pisinnaatitsissut.

Suliassaq naatsorsuutigineqarpoq november-imi 2026-mi aallartinneqarnissaa, aammalu november-imi 2027-mi naammassineqarnissaa naatsorsuutigineqarluni.

Neqerooruteqarnissamut najoqqutassat mail-ikkut inniminnerneqarsinnaapput, uunga: Qarsoq Tegnestue ApS – udbud@qarsoq.gl. Tamatuma kingorna neqerooruteqartoq neqerooruteqarnissamut najoqqutassanik nassinneqassaaq, imaluunniit naqiterinermut nassiussinermullu akiliuteqarnikkut neqerooruteqarnissamut najoqqutassat pappiaranngorlugit tigunerini akiligassanngorlugit nassiunneqassapput. Neqerooruteqarnissamut atortussat inniminnerneqarsinnaapput sapaatip akunnera 35, 2026 ilanngullugu.