Ataatsimiinnerup nalaani aallartitat borgmesteri Lars Erik Gabrielsen najukkami kommunalbestyrelsimi ilaasortat aamma Avannaata Kommuniani atorfilittat ataatsimeeqatigaat. Ataatsimiinnermilu najukkami pissutsit, periarfissat aamma issittumi unammillernartut pillugit misilittakkanik avitseqatigiipput.
»Naak immitsinnut ungasilluta najugaqaraluarluta atugassarititaasut unamminartullu tungaatigut assigiiffeqartorujussuuvugut. Naapittarnerit immitsinnit ilinniarfiginerput aamma issittumi suleqatigiinnitsinnik nukittorsaanerput nalitoorujussuuvoq. Alapernaannerput aamma ikioqatigiinnissatsinnut kajumissuserput annertooq misigaarput,« borgmester Lars Erik Gabrielsen oqarpoq.
»Kommuunitta aamma Issittumi Siunnersuisooqatigiit ataatsimiititaliaata nunat inatsisartui ilaasortanik ilaasortaaffigineqartup akornanni suleqatigiinnissarput pitsaasoq qilanaaraara tassanngaaniillu oqariartuutinik ingerlatitseqqiisinnaanissaa naatsorsuutigaarput«, Lars Erik Gabrielsen nangippoq.
Tikeraartut tikeraarnerminnik iluarisimaarinnittorujussuullutik oqaaseqarput aamma Nunatsinni pissutsit qanimut nammineq takunissaat qanoq isumaqartiginersoq paasivaat – minnerunngitsumik Ilulissat eqqaani avatangiisit kusanarluinnartut eqqarsaatigalugit.
