Kommunip matumuuna qitiusoqarfimmi C24.1-imi sanaartorfissap 1-ip atorneqanngitsutut nalunaarutigaa.
Sanaartorfissap 1-ip unnuisarfimmik, vandrehjem-imik imaluunniit unnuiffissat assigisaanut sanaartorfigineqarnissaa periarfissaalerpoq.
Sanaartorfissamut 1-imut nunaminertamik imaluunniit nunaminertamik inniminniinissamut qinnuteqarnissaq ulloq 18. november 2026. tungaanut periarfissaalerpoq.
Qinnuteqaatit tamarmik ulloq 18. november 2026 nal. 00:00 sioqqullugu imaluunniit piffissami tassani kingusinnerpaamik tiguneqarsimasut taamaalisukkut tiguneqartutut isigineqassapput.
Qinnuteqaatit ulloq 18. november 2026 kingorna tiguneqartut, ilaatinneqarnavianngillat.
Qitiusoqarfimmut C24-mut tatsip imeqarfiup kujataatungaaniittumut kommunimut pilersaarut
Kommunimut pilersaarummut tapiliussaq uani atuarneqarsinnaavoq https://kommuneplania.avannaata.gl/dk/by-og-bygd/ilulissat/1200-c24-da/ imaluunniit Nunaminertalerisunut, Sanaartornermut Avatangiisinullu Ingerlatsivimmut saaffiginninnikkut pissarsiarineqarsinnaavoq (Teknikkeqarfik).
Qinnuteqartutut pingaaruteqarpoq sumiiffimmi aalajangersakkat suut atuunnersut atuarluassallugit, tassaasut kommunimut pilersaarummut tapiliussaq nr. 32 ILU1200-C24 "Tatsip imissamaateqarfiup kujataani eqqaani qitiusoqarfik" 20.12.2022-meersoq.
Politikkikkut aalajangiunneqarnikuuvoq sanaartorfissaq unnuisarfinnut assigisaanulluunniit tamakkiisumik atorneqassasoq.
Nunagissaaneq.
Sanaartortitsisoq nammineerluni nunagissaanermik isumaginnissaaq.
Qinnuteqartut uku eqqumaffigissavaat:
- Kinaluunniit inuk, suliffeqarfik, ingerlatseqatigiiffik peqatigiiffilluunniit inatsisitigut akuerisaasoq nunaminertamik qinnuteqarsinnaavoq.
- Inuk suliffeqarfilluunniit sanaartorfissamut tassunga aamma/imaluunniit sanaartorfissamut ataasiinnarmik qinnuteqarsinnaavoq ataasiinnaasutut saqqummeqqaguni inatsisitigullu ataasiinnaasutut pisinnaassuseqaruni.
- Qinnuteqartutut akuerisat minnerpaamik aningaasanik attartornissaminnut uppernarsaammik takutitsissapput.
Sanaartorfissat atorneqanngitsut pillugit aalajangersakkat saqqummiunneqarneri Avannaata Kommuneplaniani takuneqarsinnaapput:
https://kommuneplania.avannaata.gl/dk/arealbestemmelser/om-arealtildelinger/ansoegning-om-arealtildeling/#B
Qinnuteqaammut ilanngunneqassapput:
- Sanaartornissamut piviusorsiortumik piffissamik pilersaarusiorneq, nunaminertamik atuinissamut inniminniinermut nunaminertamillu atugassinneqarnermut piffissaritinneqartunik atuuttunik malinnittumik.
- Pilersaarutip allaaserinera, suut sanaartorneqarusunnersut aammalu siunertaq allaaseralugu aamma/imaluunniit titartagartaa ilanngullugu.
- Aningaasaliisinnaassuseqarnermik uppernarsaat. Qinnuteqartup sanaartugassatut qinnuteqaatip piviusunngortinnissaanut aningaasatigut periarfissani uppernarsassavai.
Qinnuteqaatit tamakkuninnga paasissutissanik uppernarsaatinillu imaqartut kisimik ilanngunneqassapput.
Qinnuteqartup qinnuteqaatimi tamakkiisuunissaa eqqortumillu paasissutissiinissaa akisussaaffigaa. Qinnuteqarfissatut piffissaritinneqartoq qaangiutinnginnerani qinnuteqaatit kommunimit misissorneqarneq ajorput.
Qinnuteqaatit tamarmik ulloq 18. november 2026 nal. 00.00 sioqqullugu imaluunniit piffissami tassani kingusinnerpaamik tiguneqarsimasut taamaalisukkut tiguneqartutut isigineqassapput. Qinnuteqaatit ulloq 18. november 2026 kingorna tiguneqartut, ilaatinneqarnavianngillat.
Tunniussisarnermut suleriuseq:
Ullormi killigititami nunaminertamut ataatsimut qinnuteqartut arlaliuppata makitsinikkut aalajangiunneqassaaq nunaminertaq kimut tunniunneqassanersoq. Makitsineq kikkunnit tamanit peqataaffigineqarsinnaassaaq.
Sumi qaqugulu makitsisoqassanersoq pillugu qinnuteqartut nalunaarfigineqarumaarput.
Paasissutissat annertunerusut Sanaartornermut Avatangiisinullu Ingerlatsivimmut (Teknikkeqarfimmut) paasiniarneqarsinnaapput uunga areal@avannaata.gl.
Nunaminertamik inniminniinissamut qinnuteqaat Nunaminertalerisunut nassiunneqassaaq, Teknikkeqarfik, Noah Mølgårdip aqq. 9, Postboks 1023, 3952 Ilulissat, imaluunniit uunga nassiullugu areal@avannaata.gl.
