Inuk innarluutilik/peqqissutsimigut piginnaasakitsoq, atukkamigut ineriartornermigullu navianartorsiortoq ernumagigukku/-siuk imaluunniit pasitsaakkukku/-siuk illit/ilissi pisussaavutit/si kommunimut nalunaaruteqassallutit/si.
Illit innuttaasutut nalunaaruteqartussaatitaanerit ima paasineqassaaq; Kalaallit Nunaanni najugallit tamarmik inuk innarluutilik ikiorneqarnissaminik pisariaqartitsisoq aamma inuup atugai, peqqissusaa ineriartorneraluunniit navianartunngortillugu pissutsit inuunermini atugai ernumanaateqartuusut ilisimagunikkit, ernummatigisaminnik kommunip isumaginnittoqarfianut tunniussillutik nalunaaruteqartussaatitaasut.
Innuttaasut tamarmik inuup innarluutillip/peqqissutsikkut piginnaaniktsup peqqissusaanut, atugaanut ineriartorneranullu navianarsinnaasumik ernummateqarunik imaluunniit pasitsaassaqarunik nalunaaruteqartussaatitaapput.
Taamaalilluni innuttaasutut pisussaaffiuvoq inuk innarluutilik ikiorneqarnissaminik pisariaqartitsigunartoq pillugu ilisimasaqaleraanni sukkanerpaamik iliuuseqassalluni. Taamaattumik Innuttaasut tamarmik kommunip isumaginnittoqarfianut nalunaartussaatitaapput.
Inuk innarluutilik/peqqissutsikkut piginnaasakitsoq pillugu nalunaarusiussaguit, pitsaasumik paasissutissanillu tamakkiisunik allaaserinninnissat pingaaruteqarpoq. Pissutsinik piviusunik malinnaavigisanillu (takusimasatit, tusarsimasatit il.il.) aalajangersimasunik sapinngisamik nalunaarut imaqassaaq.
Nalunaarutiginninneq qanoq iluseqassanersoq piumaqaateqanngilaq.Oqarasuaat, allakkat, digitali imaluunniit nunaqarfimmi illoqarfimmiluunnii kommunimut ornigulluni saaffiginnittoqarsinnaavoq.
Illit nalunaarutiginnittutut suliamut illuatungiuliuttuunngilatit.
Taamaattumik inuk nalunaaruteqarsimasoq suliap qanoq suliarineqarneranik ilisimatinneqarneq ajorpoq.
Nalunaarutigisat tunniukkiartorlugu kommuunerisat/ isumaginnittoqarfik attavigiuk.
Suliamut ingerlatseriaaseq:
- Inuk innarluutilik/ peqqissutsikkut piginnaasakitsoq pillugu kommunimut nalunaaruteqaruit, kommunip ullut 7 qaangiutsinnagit nalunaaruitip tigusimaneranut uppernarsaammik nassissavaatit.
- Kommuuni ernuumanermut nalunaarut pillugu iliuuseqarnissamut pisussaaffeqarpoq.
- Kommunip inuk innarluutilik/ peqqissutsikkut piginnaasakitsoq pillugu nalunaarummik tigusaqarnermini misissuinermik aallartitsissaaq. Tassanilu nalilissallugu inuup innarluutillip suna pisariaqartinneraa. Nalileereeruni Kommuni ikiorsiissuteqarnissamik neqerooruteqassaaq.
- Kommuuni piaartumik ullut suliffiusut 5 qaangiutsinnagit nalunaarutip imarisaa naliiffigissavaa, tassanilu qulaajaanermik aallartitsinissamik aaliangiissalluni.
- Nalunaarut immikkut sakkortuunik pissutsinik attuumassuteqarpat, soorlu annertuumik paarsinerlunneq, persuttaaneq aamma kinguaasiutikkut atornerluineq pineqarpata, kommuuni piaartumik qulaajaanermik aallartisaanissaminik iluuseqartussaatitaasarpoq, kingusinnerpaamik ullut suliffiusut 3 qaangiutsinnagit
Kinaassuseq isertuullugu sullissivik digitali atorlugu nalunaaruteqartoqarsinnaanngilaq.
Periarfissaavorli kinaassuseq isertuullugu nalunaaruteqartarneq, kinaassutsit isertuunniarlugu nalunaaruteqarniaruit eqqumaffissat ataani takukkit:
- Illit eqqumaffigissavat oqarasuaat atorlugu nalunaaruteqarniaruit, kommuni nalunaarsuiusussaatitaammat. Taamaattumik kinaassutsit isertuunniarukku illit atit imaluunniit allat paasissutissat nalunaarutigissanngilatit.
- Mail atorlugu nalunaaruteqarniaruit, qulakkiissavat mail atorlugu nassiussiffiginiakkat isertortuusoq, ateq aamma allat paasissutissat ersinnginnissaat.
Kinaassutsit isertuullugu nalunaaruteqaruit, nalunaarutip tinguneranut uppernarsaammik pissarsissanngilatit.
Illit nalunaarutiginnittutut suliamut illuatungiuliuttuunngilatit.
Taamaattumik inuk nalunaaruteqarsimasoq suliap qanoq suliarineqarneranik ilisimatinneqarneq ajorpoq aammalu kommunep ikiorsiissuteqarnera imaluunniit ikiorsiissuteqannginnissamut aalajangernera maalaarutigisinnaanngilat.
Qaqugukkulluunniit nalunaaruteqarsinnaavutit.
Illit nalunaaruteqartutut naammagittaaliorsinnaanngilatit.