Tamanut atuuttut
Den Grønlandske Fond inunnut sammisunut tapiisartuuvoq, soorlu innuttaasut immikkut Kalaallit Nunaannut Danmarkimulluunniit tikeraarnissamut pisariaqartitsisunut.
Aningaasaateqarfimmit nalilersuinermi pingaartinneqarput, inuuniarnermi qanoq inissisimaneq, qinnuteqarnermut aammalu qinnuteqartut ukiut qulit sinnerlugit Kalaallit Nunaannut Danmarkimulluunniit tikeraarsinnaasimannginnerat.
Piumasarineqartut
Makku tunngavigalugit qinnuteqartoqarsinnaavoq:
• Kalaallit Kalaallit Nunaannukarniartut tapersernissaat, taakku ukiut arlaqartut Danmarkimi najugaqarsimappata immikkullu pisariaqartillugu Kalaallit Nunaannukarnissaq.
• Qallunaat Danmarkimukarniartut tapersernissaat, taakku ukiut arlaqartut Kalaallit Nunaanni najugaqarsimappata immikkullu pisariaqartillugu Danmarkiliarnissaq.
Aningaasanik tunniussinissamut akuersinermi matuniarneqarput angalanermut siumut utimullu angala-nissamut billetsimut aningaasartuutit, taamaallaallu inummut qinnuteqartumut. Aningaasaliinermi unnuinerit, tikiffimmi assartorneqarnerit, nerisassat allallu angalanermi aningaasartuutigineqartut tapiiffigineqarsinnaanngillat.
Aningaasaliissutigiumaneqartut atorneqassapput akuersinerup ulluanit qaammatit 12-it iluanni. Tamanna pinngippat allatut nalunaaruteqarani akuerisaagaluit atorunnaarsinneqassapput.
Angalanerit saaffiginnissutip suliarineqarnerani ingerlanneqareersimasut, atuutsinneqassanngillat.
Qinnuteqarnissamut immersugassiaasut atornagit qinnuteqarnerit naliliiffigineqarnavianngillat. Sapinngisamik qinnuteqarnermi sapinngisamik ilanngunneqartussatut nassuiarneqartut uppernarsaa-titaqartinniarneqassapput.
Malugiuk:
MitID-it atorlugu iserlutit, qinnuteqaatit attaveqaatitigut aatsaat nassiussinnaavat.
Qinnuteqarnissamut immersugassiaasut atornagit qinnuteqarnerit naliliiffigineqarnavianngillat. Sapinngisamik qinnuteqarnermi sapinngisamik ilanngunneqartussatut nassuiarneqartut uppernarsaa-titaqartinniarneqassapput.
Qinnuteqaasiat uunga nassiutissavat:
Rigsombudsmanden i Grønland (Kalaallit nunaanni Naalagaaffiup Sinniisoqarfia)
Indaleqqap aqq. 3
Postboks 1030
3900 Nuuk
Telefon 321001
Email: ro@gl.stm.dk
Qinnuteqarnermi immersugassiaq ugguuna aajuk
Immersugassaq attaveqaatitigut immersoriarlugu pappiaranngorlugu anisikkusukkaanni
Tikeraarnissamut qinnuteqarniaruit, qinnuteqarniarluni immersugassaq immersussavat.
Toortagaq sungaartoq “Maana qinnuteqarit” tooriarlugu:
• “Immersoruk anisillugulu” toqqassavat, immersugassaq attaveqaatitigoortumik immersoriarlugu pappiaranngorlugu anisikkusukkukku(MitID pisariaqanngilaq)
• “Anisiguk” toqqassavat, immersugassaq pappiaranngorlugu aniseriarlugu assammik allallutit immersoriarlugu, immersoreerukku tunniukkiartussagukku (MitID pisariaqanngilaq)
Immersugassaq immersoriarlugu Kalaallit Nunaanni Naalagaaffiup sinniisoqarfianut, Indaleeqqap aqq. 3, 3900 Nuuk tunniutissavat imaluunniit mailikkut RO@gl.stm.dk nassiutissavat.
Qinnuteqarnissamut ulloq killigititaasup qaanngiunneraniit qaammat ataatsip iluani qinnuteqarsimasut akineqarnissartik naatsorsuutigissavaat.
Piffissaliussaq
Aningaasaateqarfik Den Grønlandske Fond ulluliussat uku malillugit qinnuteqarfigineqarsinnaavoq 1. april aamma 1. oktober
Fundats for Den Grønlandske Fond
https://kalaallisut.rigsombudsmanden.gl/media/4tkpcth3/dgf_fundats.pdf