Tamanut atuuttut
Den Grønlandske Fond aningaasaateqarfiuvoq Kalaallit Nunaanni avataanilu inunnut sammisunik suliaqarnernut, ilisimatuussutsikkut suliniutinut piorsarsimassuserlu aallaavigalugu suliniutinut tapiissuteqartartuusoq, makkununnga peqatigiiffinnut sammisutigut suliniutinut, atuakkiornernut, tusagassiornernut aammalu Kalaallit Nunaannut attuumassuteqartunik ilinniagaqarnernut assigisaannullu ingerlanneqartunut tapiissuteqartartoq.
Piumasaqaatit
Makkununnga qinnuteqartoqarsinnaavoq:
• piorsarsimassutsimut inuinnaallu akornanni sammisunik suliaqartunut
• Atuagassianut, atuakkanut, eqqumiitsulianut filmilianut aallatulluunniit attaveqaatit aqqutigalugit Kalaallit Nunaannit Kalaallilluunniit Nunaat pillugu saqqummiunniarneqartunut.
• Kalaallinut Danmarkimi ilinniagaqartunut aammalu tamakku ilinniarnerminnut atatillugu nunanut allanut angalasunut.
• Umiarsuup ”Hans Hedtoft”-ip kivinerani ajunaaqataasut qimataannut tapiissuteqarnerit
Qinnuteqaatit suliarineqannginneranni ingerlanneqarsimasut naliliinerni ilanngunneqassanngillat.
Qinnuteqaateqartut akuerineqarsimasut tunniunniarneqartut qaammatit 12-it qaangiutinnginneranni atussavaat.
Ingerlatsinernut nerisaqartitsinernullu tapiissuteqartoqarsinnaanngilaq.
Aningaasaliissutigiumaneqartut atorneqassapput akuersinerup ulluanit qaammatit 12-it iluanni. Tamanna pinngippat allatut nalunaaruteqarani akuerisaagaluit atorunnaarsinneqassapput.
Angalanerit saaffiginnissutip suliarineqarnerani ingerlanneqareersimasut, atuutsinneqassanngillat.
Qinnuteqarnissamut immersugassiaasut atornagit qinnuteqarnerit naliliivigineqarnavianngillat. Sapinngisamik qinnuteqarnermi ilanngunneqartussatut nassuiarneqartut uppernarsaatitaqartinniarneqassapput.
Malugiuk:
MitID-it atorlugu iserlutit, qinnuteqaatit attaveqaatitigut aatsaat nassiussinnaavat.
Qinnuteqarnissamut immersugassiaasut atornagit qinnuteqarnerit naliliivigineqarnavianngillat. Sapinngisamik qinnuteqarnermi ilanngunneqartussatut nassuiarneqartut uppernarsaatitaqartinniarneqassapput.
Qinnuteqaasiat uunga nassiutissavat:
Rigsombudsmanden i Grønland (Kalaallit Nunaanni Nalaagaaffiup Sinniisoqarfia)
Indaleeqqap aqq. 3
Postboks 1030
3900 Nuuk
Telefon 321001
Email: ro@gl.stm.dk
Qinnuteqarnermi immersugassiaq ugguuna aajuk.
Immersugassaq attaveqaatitigut immersoriarlugu pappiaranngorlugu anisikkusukkaanni
Ilisimatuussutsikkut suliniutinut piorsarsimassutsimullu sammisunik suliniutinut qinnuteqarniaruit, qinnuteqarniarluni immersugassaq immersussavat.
Toortagaq sungaartoq “Maana qinnuteqarit” tooriarlugu:
• “Immersoruk anisillugulu” toqqassavat, immersugassaq attaveqaatitigoortumik immersoriarlugu pappiaranngorlugu anisikkusukkukku(MitID pisariaqanngilaq)
• “Anisiguk” toqqassavat, immersugassaq pappiaranngorlugu aniseriarlugu assammik allallutit immersoriarlugu, immersoreerukku tunniukkiartussagukku (MitID pisariaqanngilaq)
Immersugassaq immersoriarlugu Kalaallit Nunaanni Naalagaaffiup sinniisoqarfianut, Indaleeqqap aqq. 3, 3900 Nuuk tunniutissavat imaluunniit mailikkut RO@gl.stm.dk nassiutissavat.
Suleriutsit
Qinnuteqartut naatsorsuutigissavaat qinnuteqarnissamut killiliussaasup kingorna qaammatip ataatsip kingorna tusagaqarnissaq.
Piffissaliussaq
Aningaasaateqarfik Den Grønlandske Fond ulluliussat uku malillugit qinnuteqarfigineqarsinnaavoq 1. april aamma 1. oktober
Fundats for Den Grønlandske Fond
https://rigsombudsmanden.gl/media/4tkpcth3/dgf_fundats.pdf