Qaasuitsup Kommuniani kommuni avannarlinngortussaq sapaatiummat 7. Maj 2017 inissititernerani Palle Jerimiassen (Siumut) Ikaarsaariarnermi Ataatsimiitsitaliami siulittaasunngorpoq, 1. Januar 2018 aallarnerfigalugu Borgmesterinngussalluni.
1. Viceborgmesteritut toqqagaavoq Aqqalu Clasen Jerimiassen (Atassut)
2. Viceborgmesteritut ivertinneqarpoq Sakio Fleischer (Siumut)
Taassuma saniatigut Aningaasaqarnermut Ataatsimiitsitaliamik pilersitsisoqarpoq ataani pineqartunik ilaasortaaffigineqalersunik:
Siulittaasoq Palle Jerimiassen (Siumut).
Siulittaasup tullia Aqqalu Clasen Jerimiassen (Atassut) sinniisussaralugu Aqqaluk Heilmann (Atassut).
Sakio Fleischer (Siumut) Apollo Mathiassen (Siumut) sinniisussaralugu.
Ane Lone Bagger (Siumut) Jørgen Kristensen (Siumut) sinniisussaralugu.
Ane Marie Andersen (Siumut) Jakob Petersen (Siumut) sinniisussaralugu.
Anthon Frederiksen (Parti Naleraq) Ole Danielsen (Parti Naleraq) sinniisussaralugu.
Bendt B. Kristiansen (Inuit Ataqatigiit) Regine Bidstrup (Inuit Ataqatigiit) sinniisussaralugu.
Aalajaangerneqarportaaq kommuunip atissaanik ilisarnaatissaanillu inassuteqaasiortussamik partiinit tamanit ilaasortaaffigineqartumik pilersitsisoqassasoq.
Ataatsimiinnerup aallartinngilaatsiarnerani nalunaarutigineqarpoq, Siumut, Atassut suleqatigiinnissamik isumaqatigiissuteqarsimasut kiisalu taasinermi Siumup, Atassutip Partii Naleqqallu akornanni taasinermi suleqatigiinniarlutik isumaqatigiissuteqartoqarsimasoq.
Ilisimatitsissutigineqarportaaq Inuit Ataqatigiit Demokratillu akornanni suleqatigiinnissamik isumaqatigiittoqarsimasoq.
Palle Jerimiassen (Siumut) Ikaarsaariarnermi Ataatsimiitsitaliami siulittaasup oqalugiaataa.pdf
