Avannaata Kommunianiit Ilulissani kuffissuit ajornartorsiortitsinerat ilungersunartutut isigaa, piffissamillu annertuumik atuiffigalugu unammillernartup tamatuma kuffissuit naleqqukkunnaarsimanerata iluarsinissaa
2017-mi kommunimiit illoqarfiup qeqqani kuuffissuit taarsersortilerpai Pattaaffimmiit Pisiffiup tungaanut. Suliaq tamanna fritidsklubbimut killippoq tassanngaanniillu Pisiffiup tungaanoortoq kisiat amigaatigilerlugu. Taanna naatsorsuutigineqarpoq naammassissasoq uuma qaammatip naannginnerani.
Alloriarneq tulleq tassaavoq Ilulissani kuuffissuarnik taarsersuinermi, suliffeqarfik siunnersuisarfik pilersaarusiortinnissaa Pisiffimmiik Elisabeth Thomsenip aqqutaa atuarlugu. Tamaani ajornartorsiutaasoq maanna ersarissorujussuuvoq. Tamaani taarsersuilinnginnermi kommunimiit ajornartorsiut annikillisarniarneqarpoq ruujorit akulikitsumik salittarnerisigut.
Tamaani ruujorit milikartarnerinut ajornartorsiut pissuteqarpoq, ruujorit sullukinnermik pisoqaanermillu, aamma itersaliami kingullermi nakkaaffeqarmat, ima paasillugu, ammut ingerlannginnami, akerlianik qummoorami, tamannalu pissuteqarpoq ilaatigut, nunap qeriuaannartup aassimaneranik.
Aammattaarli kuuffissuit milikartarnerat pissuteqarpoq kuuffinnut allanik eqqaasoqaraangat. Assersuutigalugu allarutit, nangit allaallumi ujaqqat kuuffinnut iginneqartarmata. Taamaattumik kommunimiit innuttaasut qinnuvigineqarput ikiuuteqqullugit, pissusissamisuunngitsunik kuuffinnut eqqaasaqqunagit.
