Naalakkersuisut nuna tamakkerlugu, meeqqat atuarfii matugallarneqassasut aaliangiuppaat, tunillaassuuttumut Corona virus-mut isumannaallisaanisssaq upalungaarsimanissarlu anguniarlugu.
Meeqqat atuarfeqarfianut tunngasuni iliuuseqarneq
Atuarfeqarnermut tunngasuni najornagu ilinniartitsineq, sapinngisaq atorlugu atuutsinneqassaaq.
Atuarfinni sulisut ilinniartitsineq piareersarnerlu atuarfimmiit imaluunniit angerlarsimaffimmiit ilinniartitsinermut iserfissat aqqutigalugit ingerlaneqassapput periarfissaqartuni.
Atuartunut internet-qanngitsunut ilinniartitsissusiortoqassaaq angerlarluni suliassanik, ullormi atuarfiusumi kingullermi tunniunneqartussanik.
Ajornartoornermi paaqqinniffissanik aaqqissuussineq pilersinneqarpoq
Ajornartoornermi atuarfinni paaqqinninneq atuartunut 1. klassiniit 7. klasse ilanngullugu ingerlanneqassaaq ammasarfinni nalinginnaasuni nal. 7.50–16.15.
Meeqqat inuiaqatigiinni pingaarutilimmik inissisimasunik angajoqqaallit, paaqqinniffissamillu allamik periarfissaqanngitsut, ajornartoornermi paaqqinninnissamut aggiussisut meeqqat atuarfiini nalunaarsorneqartassapput.