Inuttassarsiuuinermi piffissaliussaq piffimmi uanngaanniit 24.septembari uunga - 24. decembari 2026
Asasakka Ilulissani angallataateerallit
Umiatsiarni, umiatsiamut toqqavinni imaluunniit motoorinni piginnittumik ujartuinermut allagartaq aappalaartoq ikkunneqarsimava?
Ukiup taamaalinerani amerlanerit umiatsiaminnik nunamut qaqitserusulersarnerat maanna nalliutilerpoq.
Teknikkeqarnermut ingerlatsivik maanna ajoraluartumik ima inissisimalerpoq, umiatsianut akuersissutit pillugit nalunaarsuutit ilaat systemitsinni annaaneqarsimallutik.
Taamaattumik Ilulissani Teknikkeqarnermut ingerlatsivik umiatsiaminnik nunamiititsinissamut kikkut akuersissuteqarnersut kikkullu akuersissuteqannginnersut pillugit nutaamik tamakkiisumik nalunaarsuiniarluni maanna suliaqarpoq.
Umiatsianut inissiiffinnut akuersissutit nunaminertamillu atugassinneqarnermut akuersissutit assigiinngissutigaat nunaminertamik atugassinneqarneq ataavartumik akuersissutaammat, umiatsianut inissiisarfinni inissanik amigaateqartoqartillugu immikkut ittumik pisoqartillugu tunniunneqartartoq. Umiatsiamut inissiiffimmut akuersissut utaqqiisaasumik akuersissutaavoq, atuunnera naagaangat atorunnaartartoq ukiumullu nutaamik qinnuteqarfigineqartartussaq.
Umiatsiarni, umiatsiamut toqqavinni imaluunniit motoorinni piginnittumik ujartuinermut allagartaq aappalaartoq ikkunneqarsimava?
Pigisannut piginnittumik ujartuinermut allagartaq aappalaartoq ikkunneqarsimappat, allagartami piffissaliussap iluani sapinngisamik piaarnerpaamik Avatangiisinut Immikkoortortaqarfik tamatigut saaffigissavat.
Ilulissani umiatsianut inissiisarfinni taamatut piginnittumik ujartuisoqarnerani, umiatsiat nunamiitinnissaanut akuersissuteqaraluaruit akuersissuteqanngikkaluarilluunniit, juulliaraq 24. december 2026 sioqqullugu sapinngisamik piaarnerpaamik Avatangiisinut Immikkoortortaqarfik saaffigissavat.
Akuersissummik atuuttumik peqanngikkuit akuersissummillu pisariaqartitsiguit, piginnittumik ujartuinermut atatillugu saaffiginninnerit Avatangiisinut Immikkoortortaqarfimmi nalunaarsorneqareerpat Nunaminertanut Immikkoortortaqarfimmut ingerlateqqinneqassaatit, tassani umiatsiamut inissiiffissamut ukiumi ataatsimi atuuttussamik utaqqiisaasumik akuersissummik imaluunniit umiatsianut inissiisarfinni inissaqanngippat nunaminertamik ataavartumik atugassinneqarnissamik qinnuteqarnissamut ikiorneqarsinnaavutit.
Teknikkeqarnermut ingerlatsivik siulliulluni saaffiginnittup siulliulluni sullinneqartarnera tunngavigalugu ingerlatsivoq
Tassa imaappoq, Teknikkeqarnermut ingerlatsivimmut saaffiginninniarnerit sukkanerusumik ingerlakkukku, umiatsiat nalinginnaasumik inissisimaffigisartagaa pigiinnarsinnaanissannut periarfissat annertunerussapput, umiatsiamik piginnittoq alla umiatsiamut inissiivimmik tunineqannginnerani – akuersissummik peqanngikkuit imaluunniit umiatsiamut inissiivimmut utaqqiisaasumik akuersissutit atuukkunnaarsimappat.
Teknikkeqarnermut ingerlatsiviup umiatsianik nunamiititsinissamut akuersissutit pillugit pissutsit aaqqissuussiffigereerpagit, umiatsianut inissiiffiit nalunaaqutserneqarnissaat sulissutigineqassaaq, taamaalilluni kikkut umiatsianut inissiiffinnut sorlernut akuersissuteqarnersut aamma kikkut taakkununnga saligaatsuutitsinissamut pisussaaffeqarnersut tamanut ersarinnerulissalluni paasiuminarnerulissallunilu.
Pissutsit pilersinneqartut ajuusaarutigaarput.
