Borgmesteri Palle Jerimiassen-p aasaanerani sulinngiffeqarnerani, Sakio fleischer, ulluinnarni bormesterip tullersortaasoq, borgmesteritut atuuffeqassaaq.
Sakio Fleischer atorfimmini ulappusereerpoq. Arfininngorneq juulip ulluisa 18-t Ilulissanut tikippoq Aningaasaqarnermut Ataatsimiititaliap immikkut ataatsimiinnerani peqataajartorluni, Oktobarimi aalisarneq pillugu niuffatitsinissaq pillugu. Arfininngorneq juulip ulluisa 25-t Qaanaamukassaaq Dundas Mining pillugu paasissutissiinissamut tusarniaaneq peqataaffiginiartorlugu.
Sakio Fleischer-p borgmesteritut atuuffeqarnissaa piffissami juulip ulluisa 18-anit augutsip ulluisa 10-ata tungaanut naatsorsuutigineqarpoq.