airplanebooksbriefcase business cogs cross election entertainment fish house law lockmedicalpeopleselfservices socialtax

Ilulissani ivigaasaaqqanik arsaattarfik kiisami piareerpoq

Naak unammillernartoqartaraluartoq Ilulissani ivigaasaaqqanik arsaattarfik nutaaq atoqqaarfissi-orneqarnissamut ulloq 3.juli piareerpoq. Arsaattarfillu ammaramili assorsuaq nuannareqarsimavoq.
27. juli 2020

Ilulissani ivigaasaaqqanik arsaattarfissaq utaqqisitsigaatsiareerluni kiisami ulloq 3.juli atorneqarsinnaalerpoq. Naak arsaattarfissap suliarinera kinguaattoorsimangaluartoq utaqqilussinnartoqanngilaq.

-Ivigaasaaqqanik arsattarfik amerlasuunit atorneqangaatsiarpoq. Arsaattarfik klubbinit kiisalu meeqqanit inuusuttuniillu sunngiffimmi atorneqarluaqaaq. Allaammi ulloq unnuarlu arsaattarfimmiittoqartarpoq, taama Lene Ravn Davidsen oqarpoq, taanna Nagdlรบnguaโ€™k-48.mi siulersuisuni siulittaasuuvoq.

 

Aqqutaa sivisuvoq

Arsaattarfiliornissaq Qaasuitsup Kommuniugallarmalli aalajangiunneqarpoq 2017-milu kommune avinneqar-neranut atatillugu, ikaarsaariarnermut ataatsimiittitaliaq aningaasanik Ilulissani arsaattarfissamut atugassa-nik immikkoortitsisimavoq. Arsaattarfiup inissinnissaa tusarniutigtineqarpoq, paasinarsivorlu allamik piukkunnarsinnaasumik illoqarfimmi inissiivissaqanngitsoq.Arsaattarfik iluatsilluassappat pisariaqarpoq arsaattarfiup illoqarfimmut qanittuunissaa. Misileraalluni qillerisoqaqattaarpoq allaat 16 meteri itissuseq tikinneqartarluni arsaattarfiup piusup naqqani, paasinarsillunilu natia piukkunnanngitsoq. Inissiivissaq isumaqatigiissutigineqareermat avataani ingeniรธritut siunnersuisartutut suliffeqarfik suliakkerneqarpoq arsaattarfiup suliarineqarnissaanut pilersaarusiortussatut. Kingornalu 2018-mi sanaartornera aallartinneqar-sinnaalerluni.

 

Kalaallit Nunaanni arsaattarfiit akisunersaat

Arsaattarfissamik suliaqarnermi naatsorsuutaanngitsunik unammillernartunik nalaarsiffiuvoq. Arsaattarfiup natia naatsorsuutigisamiit ilaatigut itinersaqartarsimavoq allaat 10 meteri qaangerlugu itissusilinnik. Taa-maakkaluartoq maanna arsaattarfiusimasuminngarnit pitsaanerulluni.

Tamatuma kinguneraa sanaartorneq pilersaarutaasumiit annertunerusimammat, taamaasillunilu akisuneru-jussuanngorlunilu piffissartornarnerusimavoq. Aningaasaliissutit aallaqqaammut kr.10.5 mio.-put naatsorsuutaasimasut suliniutaasumut matussutissiisussat, taakkuli annerusumik toqqavissatut suliamut atorneqar-nerusimallutik. Taamaattumik 2019-mi missingersuutinut ilassutissanik aningaasaliisoqarpoq kr.5.2 mio-nik ujaqqanut natilersuutissanut ivigaasanillu pisissutissanik. Paasinarsivorli taakku naammanngittut aningaasal-lu sinneruttut nassaariniarneranni aningaasaliissutaasuni atorneqanngitsuni kr.4.5 mio-t allannguinikkut tigusariaqarsimallutik, suliniutinut allanut immikkoortitaangaluanit, arsaattarfissaq inaarsarniarlugu.

-Soorunami uggornarpoq suliniut ilimagisamiit akisunerulermat, tamannami siumut qulakkeerneqartuaannarsinnaasanngilaq. Atugassarititaasut nunami ilutsimigut issusiagut misissuiffiusimanngitsumi sanaartorneq taamaappoq. Nunaminertamili avatangiisaasumi misileraalluni qillerineqartarsimavoq suliniummut tunnga-vilersuutaasumik.

Maannali Ilulissat, Kalaallit Nunaanni illoqarfiit anginerit ilaat, kingulliit ilaattut ivigaasaaqqanik pisariaqarte-qisaminik pisaarpoq. Taamaasillunilu naggataagut Kalaallit Nunaanni  arsaattarfiit akisunersaannik peqalerunarluni, taama Karl Madsen, teknikkeqarfimmi pisortaaneq oqarpoq.

Inaarsarneqarnera

Naak arsaattarfik piareerluni atorneqalereeraluartoq, suliaq suli naammassineqanngilaq. Arsaattarfik ungalu-lerneqassaaq ungasinnerusumilu isiginnaartarfilersorneqassaaq biilinullu uninngatitsiviliortoqarluni. Arsaat-tarfimmik atuisut periarfissat nutaat assut nuannaraat.

-Nuanneqaaq arsaattartut tamarmik sungiusarluarnerusinnaalermata maavaarnerusumik toqqaveqarlutik, Lena Ravn Davidsen oqarpoq, oqaaqqissaaruteqarlunilu.

-Arlalinnik atuisutut aaqqitassaqarpugut arsaattarfik paarilluarniarlugu. Ilaatigut eqqakkat aamma tikikummikut. Aammali aserorterineq sapinngisamik pinngitsoortikkusutarput.

 

Allattoq Nikolaqj Sander