Avannaata Kommuniani Aalisarnermut Piniarnermut Pisuussutinut uumassusilinnut Ataatsimiititaliaq (APPA) ulloq 22. juli 2020 ataatsimiikkami Qeqertarsuup Tunuani qaleralinniarnermi qassutit atorlugit ileqqoreqqusassatut siunnersuut suliareqqippaa maannangaarlu susassaqartunut tusarniutingalugu.
Uani tusarniaaqqinnermi maluginiangassaavoq llulissat eqqaani killeqarfissatut titarneq Sermermiut Nuuanit Pitoqqiup Nuuanut allanngorneqarmat. lleqqoreqqusassap oqaasertai tusarniummut siullermut sanilliullugit allanngortinneqanngillat.
Tusarniummut oqaaseqaatigiumasat uunga nassiunneqassapput: avannaata@avannaata.gl, kingusinnerpaamik tallimanngorneq 7. aug. 2020.
Avannaata Kommuniata 2020-imut ileqqoreqqusaat uani nassaarisinnaavatit.