airplanebooksbriefcase business cogs cross election entertainment fish house law lockmedicalpeopleselfservices socialtax

Kommunalbestyrelsimi 2021-mi marloriarluni ataatsimiittoqassaaq

2021-imi apriilip 6-ani kommunimut qinersinissaq pissutigalugu kommunalbestyrelsimi ilaasortat maannamut atuuttut aappaagu marloriarlutik ataatsimiissapput, ataatsimiinnerullu aappaa Ilulissani pissaaq.
15. december 2020
Kommunalbestyrelsimi decembarip sisamaani ataatsimiittoqarmat Ilulissani kallerup inneragut qamittoortoqarpoq, ataatsimiinnerlu sapaammi nanginneqartariaqalerpoq.
Kommunalbestyrelsimi maannamut ilaasortaasut Covid-19 allalluunniit peratarsinnaasut akornusiissanngippata aappaagu februaarip 19-iani aamma apriilip 27-ani ataatsimiinnissaat naatsorsuutigineqarpoq. Tamatuma kingorna nutaatut kommunalbestyrelsimi ilaasortaalerumaartussat ukiup sinnerani kommunalbestyrelsimi ataatsimiinnissat qaqugu piumaarnissaat siunnersuutigalugillu aalajangissavaat.

Kommunalbestyrelsimi ataatsimiinneq siulleq oqarasuaatitigut ingerlanneqassaaq, ataatsimiinnerlu kingulleq Ilulissani katersuunnikkut ingerlanneqassaaq, tamatumanilu angalanermut unnuisarfimmilu najugaqarnissamut aningaasartuutissat 2021-imi missingersuutinut ilanngunneqareerput.

Allattoq assiliisorlu: Káte Hansen, khan@avannaata.gl




Qarasaasianni paasissutissat ilaat atoqqissinnaajumallugit quppernermi matumani cookie-t atorneqartarput. Akueriuk annertunerusumilluunniit uani paasisaqarit.