Peqataasut Peqqinneq Sunngiffiullu ataani ukupput:
Timersortarfinni sulisut, atuareernerup kingorna ornittakkani sulisut, atuareernerup kingorna innarluuteqartut ornittanganni sulisut, Inuusuttut ornittangaanni sulisut, Pitsaaliuinermi siunnersortit, meeqqanik inuusuttunillu sullisut, peqqinneq sunngiffimmilu aqutsisoq aammalu Avannaata Kommuniani Peqqinneq Sunngiffimmilu ataqatigiissaarisoq.
Isumasioqatigiinnermi siunertaavoq sulisut qanimut suleqatigiinnerisa nukittorsarnissaat.
Immikkullu avataaniik pikkorissaasoqarpoq namminersortoq ”IsikkiviK” Heide Møller-mik inuttaqartoq attartorneqarluni pikkorissarnerullu imarivai:
• Fondenut qinnuteqarnermi eqqumaffissat
• Tatingeqatigiinneq ineriartornerlu
• Suleqatigiit akornanni assigiinngissuseq
• Avammut attaveqariaaseq aammalu ilutsinni
Kiisalu Ilaqutareeqarnermut ingerlarsivimmiit Politiiniillu ”Nalunaartussaatitaaneq” qulequtaralugu pikkorissarneq ingerlanneqarluni. Saqqummiunneqartullu ukuupput:
• Sumiginnaaneq sunaava?
• Isumaalunnermut uuttuut/Januscenterimiit ernumassutsimut uuttuut
• Nalunaartussaatitaaneq / Inatsisut toqqammavigineqartut
• Ilaqutareeqarnermi suliat ingerlasarneri
• Politiiniik suliat ingerlasarneri
• Inuttut nammineq akisussaaffinga
• Susassaqarfiit akimorlugit suleqatigiinneq
Peqataasut naliliinerminni ataatsimut naapitinneqarneq sulisutut inuttullu imminut qiviarneq sakkussanillu tunineqarneq aammalu sulisutut eqqumaffissamik erseqqissaasoqarnera qanimut peqataaneq nuannaarutigineqarluni iluarisimaarneqarpoq. Kiisalu sulisutut kisimiinnani ataatsimut naapinnermi nukimmik tunineqarneq iluarineqarpoq.
Allattoq: Rigmor Villadsen, Peqqinneq Sunngiffimmilu Ataqatigiissaarisoq