Naalakkersuisut pingasunngornermi ualikkut nal.13.00 tusagassiortunik katersortitsineranni corona pillugu maleruaqqusat nutaat saqqummiuppaat. Ataasinngorneq 19.juli piumasaqaataalerpoq nunatsinni pisortat angallassissutaannik angalaniaraanni akiuussusersimanissamik piumasaqaateqartoqalerpoq. Maleruaqqu-saq taanna talliamanngornermi 23.juli nal.23.59 atorunnaassaaq.
Nutaatut iliuusissaq: Naartusut milutitsisullu akiuussutissamut neqeroorfigineqassapput
Danmarkimi Sundhedstyrelsip naliliiffigereermagu, maanna naartusut milutitsisullu akiuussusernissaannut ulorianartussaqangitsoq, maanna periarfissaalerpoq naartusut qaammatit sisamassaanniilersut akiuussuser-sinnaalernissaannut.
Julip 30-ata tungaanut illorsuarnut kikkut tamat iserfigisinnaasaanni qanermut assiaquteqarnissamik piumasaqaat, aammalu inuit 20-t sinnernagit katersuuttarsinnaanissaanut suli atuukkallassaaq.
Avannaata Kommunia
Allattoq: Nikolaj Sander