Ilulissani peqqissutsikkut aarlerinartorsiortut Pfizerimik nualluummullu kapitinneqalersut

- Nualluummut akiiuussutissanik Ilulissani pissarseqqammerpugut, taamatuttaaq aamma coronamut akiuussutissanik Pfizerineersunik pissarsivugut. Taamaammat peqqissutsikkut aarlerinartorsiortunut aammalu 65-inik ukioqalereersimasunut nualluummut akiuussusersuisinnaalerpugut. Tamatuma saniatigut 65-inik ukioqalereersimasut 2021-mi apriilip aallaqqaataani Pfizerimik tamakkiisumik coronamut akiuussuserneqarsimasut pingajussaanik coronamut akiuussuserneqarnissaannut neqeroorfigaagut, Peter Vedsted Peqqinnissaqarfiup Avannaani immikkoortortaqarfiani nakorsanut aqutsisuusoq oqarpoq.

Peqqissutsikkut aarlerinartorsiortut nualluummut akiuussuserneqarnissamik neqeroorfigineqartut taakkuupput puamikkut anigorneqarsinnaanngitsunik nappaatillit, sukkortut, pualavallaartut, tingummikkut aamma tartumikkut ataavartunik nappaatillit allallu. Peqqissutsikkut aarlerinartorsiortut nualluummut aamma coronamut Pfizerimik akiuussuserneqarnissamut neqeroorfigineqartut sorliunersut uani alakkakkit.

- Akiuussusersuinissamut neqeroorutitsinnut periarfissiinitsinnut amerlasuut Sermermiuni sapaatiuppat nal. 10.00-imiit 16.00-ip tungaanut ornigunnissaat neriuutigaarput, Peter Vedsted oqarpoq.

Akiuussusersuinerit illoqarfinni anginerusuni aallartisarneqarnissaannik nunatsinni nakorsaanerup aammalu Danmarkimi peqqinnissaqarfikkut aqutsisoqarfiup inassuteqarnerannik tunngaveqarput.

Allattoq: Káte Hansen, khan@avannaata.gl
Asseq: apotekeren.dk