Illu type 67/12-mik taaguteqarpoq, illullu angissuseraa 84 m2.1974-imi napparneqarluni.
Illu taama ittuutillugu, takuneratut pissusiatullu tunineqassaaq. Soqutiginnittutut pisiaqarniartup nammineq siunnersuisussaminik sulisussarsiornissaanik kaammattorneqarpoq.
Illu pisisussamit tamakkiisumik akisussaaffigineqartumik pigineqalissaaq, illup massakkut qanoq issusaanik paasissutissanik aallertoqarsinnaavoq Sullissivimmut.
Taamaallaat immikkoortortami illoqarfiup ilaanut pilersaarummi nalunaarsukkatut malittarisassanit allatullu inatsisaasunit killeqartinneqaannarluni.
Tunisinermut atatillugu aningaasartuutaasussat tamarmik pisisumit akilerneqassapput.
Avannaata Kommunia, illoqarfigisami kommunit allaffiannut oqarasuaat 38 77 00 imaluunniit e-mail UPE_SULLISSIVIK@avannaata.gl saaffigalugu isumaqatigiissuteqarnikkut illumik takusaasoqarsinnaavoq.
Allakkatigut akissaanik taasilluni piserusunnermik nalunaarluni nassitsisoqarsaaq, akiminik taasaq qallunaat koruuniini Kr./DKK atorneqassaaq, ilanngunneqassaaq
Bankip/ Aningaaserivimmiik akiliisinnaanermut akissallu immikkoortinneranut uppernarsaat. Ateq, najugaqarfik aamma oqarasuaatip normua kiisalu e-mail allanneqassapput, nassiunneqarlutillu uunga :
Avannaata Kommunia, Sullissivik Upernavik, 3961 Upernavik, allakkat puuanni matoqqasumi, taamaallaat B-764 Nuussuaq neqeroorutaaneranik nalunaaqutserlungu.
Akissaanik taasilluni piserusunnermik nalunaarneq uatsinnut anngutereersimassaaq kingusinnerpaamik tallimanngorneq 30. juni 2022. Nal. 12:00
Neqeroorutaasoq utertinneqarsinnaanngilaq, piumasaqaatitaqarani nangaassutitaqaranilu.
Avannaata Kommuniata neqeroorutitut nassiussaasimasut tamaasa itigartitsissutiginissaanut imminut pisinnaatippoq.
