Kommune-p pilersaarutaanut ilassut suliarineqarpoq illoqarfiup qiteqarfissaanik illoqarfiup avataani inissisimasussamik kissaateqartoqarneratigut. Immikkoortoq nutaaq pilersinneqareerpoq, pingaarnertut aalajangersakkatut, atorneqarnissaa siunertaralugu qitiusoqarfittut akunnittarfeqarfittullu.
Kommunemut pilersaarummut tapiliussaq nr. 41 piffissami 17.04.2023-miit 12.06.2023-mut tamanatu tusarniutigineqarpoq.
Kommunip pilersaarutaata tapiata siunertaa
Kommunimut pilersaarutip ilassutissaata pingaarnertut siunertaraa, illoqarfiup qiteqarfissaanik nutaamik centerilimmik hoteliliassamullu siunertatut pilersinneqarnissaa.
Nuuaarsummi nutaamik qitiusoqarfiliortoqassooq. Kommune-p pilersaarutaanut ilassummi uani tamakkiisumik aalajangersakkanik nutaanik C29 Ilulissat avannaani qitiusoqarfissami aalajangiisoqassooq.
Kommmunimut pilersaarummut tapiliussaq sapaatip akunnerini arfineq-pingasuni sivisussuse-qartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunep nittartagaanut toqqaannartumik nassiussinnaavat uunga: http://kommuneplania.avannaata.gl/gl/tusarniaanermut/tusarniaanermut/ imalt. Mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 12.06.2023.
