Oqaatsumi atuarfik

Sioqqutsisumik nalunaarut
Oqaatsumi atuarfik, Ilulissat

Sanaartortitsisoq, Avannaata Kommunia sinnerlugu matumuuna suliassaq qulaani pineqartoq pillugu neqerooruteqarniarlutik soqutiginnittunut aggersarnissaanut sioqqutsisumik nalunaarut maanna saqqummiunneqarpoq.

Sanaartugassaq tassaavoq Oqaatsumi atuarfik. Sanaartugassaq katillugu angissuseqarpoq 246 m² miss.


Akuersilluni suliassamik tunniussinissamut najoqqutassaq tassaassaaq akigitinniakkani appasinnerpaaq.

Pingaarnertut suliassaq suliassanut 1-5 immikkoortiterlugu makkuninnga suliassartaqarpoq.

1. Nunniortut suliassaat
2. Sanasut pequtsersuisut qalissialiortullu suliassaat
3. Qalipaasut suliassaat
4. Ruujorilerisut suliassaat
5. Innaallagisserisut suliassaat


Suliassat piffissami maaji 2024-mit Juli 2025 tungaanut suliarineqassatut naatsorsuutigineqarpoq.

Sanaartortitsisup naliliinera tunngavigalugu, sanaartorfissap piffissaliunneqarnera, nunap sumiiffia pissutsillu aallaavigalugit, unammilleqatigiinnissaq akitigut killeqangaatsiartoq aammalu suliffeqarfiit annerpaamik pingasut sanaartugassamik suliarinnissinnaasutut naatsorsuutigineqarsinnaasut nalilerpaa. Tamanna tunngavigalugu Sanaartornermi neqerooruteqartitsisarneq pillugu Inatsisartut inatsisaanni § 20, imm. 1, nr. 4 piumasaqaataasoq naammassineqartutut nalilerneqarpoq.

Qulaani pineqartoq tunngavilugu Sanaartortitsisoq neqerooruteqartitseriaaseq suliaqartinniakkat ilisimatereerlugit neqerooruteqartitsineq (underhåndsbud) maanna siunniuppaa.

Neqerooruteqartitsisarnermut inatsimmi § 25a, imm. 4 najoqqutaralugu neqerooruteqarnissamut soqutiginnittut soqutiginninnerminnik kingusinnerpaamik 6. juuni 2023-mi nalunaaruteqarnissaat kaammattuutigineqarpoq.
Neqerooruteqarniarlutik soqutiginnittut e-mail-ikkut soqutiginninnertik nalunaarutigisinnaavaat, uunga: Qarsoq Tegnestue ApS, udbud@qarsoq.gl, tunng.: “Bygdeskole Oqaatsut”