Nemkonto nalunaarsoruk - Junimit 2023 akissarsissaguit NemKontoqartariaqarputit

NemKonto pisortani ataatsimoorussamik aningaasanik tunniussisarnermi atortorissaarutaavoq. Pisortanit aningaasat tunniuttakkat tamarmik NemKonto-nnut nuunneqartalertussaapput, assersuutigalugu:

• Akileraarutitigut utertoorutit
• Pisortani sulisunut akissarsiat soraarnerussutisiallu
• Isumaginninnikkut ikiorsiissutit
• Ineqarnermut tapiissutit
• Ilinniagaqarnermusiat

Kalaallit Nunaanni innuttaasut tamarmik NemKonto-qassapput. Innuttaasut amerlasuut pisortani oqartussaqarfinnit assigiinngitsunit aningaasanik pisarput. NemKonto innuttaasumut ajornaallisitsissaaq, tassami oqartussaqarfinnut assigiinngitsunut konto-it normui paasissutissiissutigisariaarutissavatit taakkumi tamarmik NemKonto atugarilissammassuk.
NemKonto illit atukkat tassaavoq bankimi konto pisortani oqartussaqarfinnit tamanit aningaasanik nuussivigineqartartoq.

GrønlandsBANKEN, BankNordik imaluunniit danskit bankiat atugarigukku netbankinni NemKonto nalunaarsorsinnaavat.
Netbankeqanngikkuit bankinnut ornigullutit saaffiginnissinnaavutit tassani NemKonto-mik nalunaarsuinissamut ikiorneqassaatit. NemKonto erngerluni atulereersinnaalissaaq.

GrønlandsBANKEN-imi netbankikkut Nemkonto-it nalunaarsornissaanut ilitsersuut aaniarukku una tooruk:

https://www.sullissivik.gl/-/media/sullissivik/blanketter-og-pdf/b_nemkonto/kal-og-da_vejledning-til-nemkonto.pdf?la=kl-gl

BankNordik-imi netbankikkut Nemkonto-it nalunaarsornissaanut ilitsersuut aaniarukku una tooruk:

https://www.sullissivik.gl/-/media/sullissivik/blanketter-og-pdf/b_nemkonto/vejledning-til-nemkonto-dk_gl.docx?la=kl-gl