Kommunimut pilersaarummut tapiliussassap siunertaraa tamaani illuaqqanik nutaanik tupernullu toqqavinnik sanasoqarsinnaanissaa.
Kommune-p pilersaarutaanut ilassutip siunertaa.
Kommunip kissaatigaa innuttaasut takornarialerinermillu suliaqartut Uummannatsiamik atorluaanerulernissaat.
Uummannatsiaq nunaqarfikuuvoq amerlasuunut nalilerujussuaq, kisiannili ulussaarsuaqarnerani ulugunneqarsinnaasumi inissisimasoq.
Kommunimut pilersaarummut tapiliussami matumani titartorneqarput ulussaarsuaqarnerani isumannaallisaalluni killeqarfiit aammali massakkut piumasaqaataasunit 100 meterinit sissarpasinnerusumi illuaqqiortoqarsinnaanera periarfissillugu. Tapiliussaq naapertorlugu aamma periarfissaqalissaaq utaqqiisaasumik tupernut toqqaviliortoqarsinnaanera, aammalu illuaqqat imminnut qaninnerutillugit sanasoqarsinnaalernera.
Tusarniummut akissutit kommune-mut toqqaannartumik allassinnaavat kommune-mut pilersaarutip nittartagaa aqqutigalugu
https://kommuneplania.avannaata.gl/dk/hoeringer/indgiv-hoeringssvar/ imaluunniit mail-ikkut uunga plania@avannaata.gl. Aamma periarfissaqarputit akissutip Sullissivimmut tunniunnissaanut imaluunniit Kommune-mut nassiullugu.
Tamanut saqqummiunneqarnerata kingorna kommunalbestyrelse-p uparuaataasinnaasut allannguutissatullu siunnersuutaasinnaasut suliarineqareerneranni, siunnersuutip inaarutaasumik akuerisinnaalissavaa.
Tusarniummut uparuaataasinnaasunik imaluunniit oqaaseqaataasinnaasunillu peqaruit kingusinnerpaamik kommune-mut tunniutereerneqassapput ulloq 11.10.2023.
