Kommunimut pilersaarummut tapiliussassatut siunnersuut Immikkoortortaq D06, Uummannaq
Kommunimut pilersaarummut tapiliussassatut siunnersuut nr. 20 sap. ak. 8-ni piffissami uani tamanut tusarniutigineqarpoq 21.09.2023-miit 16.11.2023 ilanngullugu.
Kommunimut pilersaarummut tapiliussap siunertaa
Uummannami iliveqarfiup ilaneqarnissaa pisariaqarpoq inissat amerlanerusut pisariaqartinneqarmat. Iliveqarfik avannamut kangimut ilaneqassaaq.
Kommunimut pilersaarummut tapiliussaq nr. 45, Immikkoortor-taq 1500-D06, suliarineqarpoq allilerinissaq periarfissikkumallugu iliveqarfimmi inissat illoqarfiup siunissami pisariaqartitai inissa-qartikkumallugit.
Iliveqarfiup ilaneqarnissaanik siunnersuut pissutigalugu Immik-koortortaq E07 Immikkoortortamut D06-imut ilaatinneqalissaaq.
Tusarniaaneq
Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunip nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt. mailikkut uunga: plania@avannaata.gl. Aamma akissuteqaatit najukkanni Sullissivimmut imalunniit kommunimut nassiussinnaavat.
Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqarsinnaalissaaq.
Tusarniaanermut akerliussutissaqaruit imaluunniit oqaaseqaatissaqaruit taakku kingusinnerpaamik kommunimit tiguneqareersimassapput ulloq 16.11.2023.
Ilitsersuineq
Siunnersorneqarnissamik ilitsersorneqarnissamillu kissaateqa-raanni Pilersaarusiornermut immikkoortortaqarfik attavigine-qarsinnaavoq: plania@avannaata.gl
