Suliniut pillugu qinnuteqaammik saqqummiussineq
Ilulissani, Immikkoortotaq B11-mi nutaamik aalisakkeriviliornissamik qinnuteqaat
Avannaata Kommunianit maanna saqqummiunneqarpoq Ilulissani, Immikkoortortaq 1200-B11-mi, aalisakkerivissamut nutaamut pilersaarummut siunnersuut.
Nalunaaruteqarnermut piffissaq tassaavoq 06.06.2024-imit 15.08.2024 tikillugu ilanngullugulu.
Siunnersuut uani takuneqarsinnaavoq: bit.ly/Aalisa_A
Suliniut
Masanti A/S (sanaartortitsiniartoq Aalisa ApS sinnerlugu), Ilulissani Mittarfimmut Aqqutaani, nutaamik aalisakkeriviliornissamik, qinnuteqarpoq. Sanaartorfiginiagaq qimussit aqqutaata aamma Mittarfimmut Aqqutaata akornanniippoq, illoqarfiup avannaatungaani. Masanti A/S qinnuteqarpoq nunaminertami aalisakkeriviliornissamik marlunnik quleriilimmik, maskinanut, peqqumaasivinnut biilillu uninngasarfissaannut inissalimmik.
Suliniutaasinnaasut allat pillugit siunnersuutit oqaaseqaatillu
Piffissami saqqummiussinerup nalaani illit innuttaasoq suliffeqarfilluunniit periarfissaqarpusi Immikkoortortami pilersaarutinik allanik siunnersuuteqarnissassinnut, soorlu aamma saqqummiunneqartumi siunnersuut pillugu oqaaseqaateqarsinnaasusi.
Pilersaarutit allat siunnersuutigineqartut oqaaseqaatillu Teknikkeqarnermut ataatsimiititaliami oqaluuserineqassapput pilersaarutitut siunnersuutinut nunaminertamik inniminniinissaq sioqqullugu. Tamatuma kingorna Kommunimut pilersaarummut tapiliussassamik siunnersuusiortoqassaaq. Pilersaarutit allat qinnutigineqarnissaannut piumasaqaatit Kommunimi pilersaarutip nittartagaani nassaarineqarsinnaapput.
Suliniutaasinnaasut allat pillugit siunnersuutit oqaaseqaatillu
Piffissami saqqummiussinerup nalaani sanaartorniartut allat qinnuteqassangaluarpata, piumasaqaatit uku tulleriiaarlugit nalilersuisoqarumaarpoq:
1. Aningaasaqarnermut tunngasut, uppernarsisitsisut qinnutigineqartoq piviusunngortinneqarsinnaasoq;
2. Sanaartornissap piffissalersorneqarnera;
3. Sumiiffimmi pilersaarutigineqarfiusumi nunaminertap qanoq atorneqarnissaanut Immikkoortortamut B11-mut sanilliullugu pilersaarut/titartagaq.
Piffissamut aamma sanaartornissamut pilersaarutit.
Ullormit 06.06.2024: nunaminertap immikkoortuanut suliniutissanut allanut siunnersuutit nassiunneqassapput.
15.08.2024-mut: nal. 04:00 suliniutissatut siunnersuutinik tigooraaneq matussaaq.
Siunnersuineq aamma aqqutissiuussineq Pilersaarusiornermut Immikkoortortaqarfimmut uunga saaffiginninnikkut pisinnaavoq.: Tlf. 701800 imaluunniit mailikkut: Plan@avannaata.gl
Siunnersuut uani takuneqarsinnaavoq: bit.ly/Aalisa_A
Saqqummiussineq una suliarineqarpoq Pilersaarusiorneq aamma nunaminertat atorneqartarnerat pillugit Inatsisartut inatsisissaannik nalunaarut nr. 4, 25. januar 2024-meersoq naapertorlugu, tassani periarfissaqarmat kommunalbestyrelsi immikkoortortamut atuinissamik nalunaaruteqarnissamut, pilersaarusiornermut tunngavissamik sananissaq sioqqullugu.
