Kullorsuarmi susassaaleqinngillat. Atuarfiup anitsiartarfiani iligiiaat meeqqat inersimasullu qisunnik napasunik uppisitsiniaallutik eqaarsaartarfimmilu meeqqat 30-t timersuutinik assigiinngitsunik pinnguarput. Issiaartarfinnik sanasoqarpoq, tummeqqat iluarsaaneqarlutik annoraaminernik allagartarsualiortoqarluni. Aasaanerani Camp Kulloq 2024 ingerlallualeruttorpoq.
Ingerlatiinnarlugu ukiut tallimassaat, sunngiffilerisoq Birgitta Kammann Danielsen, Avannaata Kommunia, taama Kullorsuarmi aasaanerani sammisaqartitsinermik aaqqissuivoq Peqatigiiffik Grønlandske Børn peqatigalugu. Ukioq manna nammineq kajumissutsimik peqataasut 9-upput Hong Kong, Tyskland, Spanien, England kiisalu Danmark-imiik aggersimasut. Kullorsuarmiik nammineq kajumissutsiminnik peqataasut aamma sunngiffimmi aqutsisup sinnattorisinnaasaaniik amerlanerusimallutik.
”Nunaqarfinniik 16-t nalunaarsimapput. Amerlasuut sulinngiffeqarlutik imaluunniit sulinngikkallarlutik nammineq kajumissutsiminnik peqataasimallutik isumaqarpungalu tamanna naliitsuusoq nuannerlunilu. Nunaqarfimmi peqatigiiffinnik peqarpugut, kisianni inersimasuunerusunut Camp Kulloq-milu nammineq kajumissutsimik peqataanermi nunaqarfiup meerartaanut tunissutaavoq immikkuullarillunilu,” Birgitta Kammann Danielsen oqarpoq.
Nammineq kajumissutsimik suleqataasut ilaat, suliffimminiik sulinngiffeqarsimavoq Camp Kulloq-mi peqataaniarluni, tassaasoq Villiam Jensen.
”Allanut ikiuunnissara nuannaraara, nuannaarpata, nuannaartarpunga! Ukiut sisamat ingerlaneranni, kajumissutsimik sulisarninni misigisarpara, naapitanut nutaanut ammanerulersimallunga.” Taama oqaluttuarpoq Villiam Jensen.
Taanna nunaqarfimmiillu kajumissutsinimmik ukioq manna tammaarsimaarfimmi suleqataasut maannamut eqqaavinnik sanasimapput, sila issiaartarfiit nunaqarfimmilu tummeqqat meeqqat inuusuttuaqqallu suleqatigalugit iluarsaassimallugit.
”Isigalugit nuannerpoq, nammineq kajumissutsiminnik sulisut akisussaaffimmik aalajangeeqataanermillu tigusinerat, qanoq nunaqarfimmit pissutsit pitsanngortinnissaanut.” Birgitta Kammann Danielsen oqarpoq.
Piorsarsimassutsikkut ataatsimoorneq tamanut nalituvoq
Nunanik assigiinngitsuneersunik nammineq kajumissutsimik aggersut sunniuteqarluarsimapput. Oqaatsinik assigiinngitsunik oqaluttoqarpoq aammalumi imminnut tuluttut oqaluullutik nalulikkatik ussersuutigisarlugit. Kajumissutsiminnik miisalu peqataasut allat aasaanerani tammaarsimaarfimmi eqqarsaatit nutaat pilersittarpaat tamarmillu silarsuaat alliallalluni.
Camp Kulloq-p arfininngornikkut aaqqissuuttagaa aalajangersimasuuvoq, avataaniik kajumissutsiminnik takkuttut nerisassanik nunaminneersunik sassaallertarnerat najugaqavissullu kalaallit nerisassaannik sassaallertarlutik.
”Tulluussimaarutigisarparput, nunatsinni piorsarsimassuserput nunarpullu takutikkaagatsigit avataanersullu nuannarisaqaat,” Birgitta Kammann Danielsen oqaluttuarpoq.
Nammineerlunga aasaanerani tammaarsimaarfinni piorsarsimassutsikkut naapinnerit nuannersut ukiut tallimat kingulliit misigisimavakka. Eqqaamavai soorlu atuartitsiviit ulikkaavissut, avataanniik nammineq kajumissusilik titartaanermik ilisimasaminik avitseqateqartoq tigulluarneqarsimallunilu nunaqarfimmimi najugallit amerlasuut titartaallaqqissuummata.
Aammalumi immikkullarissumik attaveqalertoqartarluni.
”Meerarpassuit inersimasullu nunat akimorlugit nammineq kajumissutsimik suliaqarnerminni piffissaq sivikitsoq atorlugu imminnut qanillisarput, ukiut, suiaassusoq sumiuunerlu apeqqutaatinnagit. Taamaattumik inuulluaqquniarneq ajornakusoortarpoq aasaanerani tammaarsimaneq naammassingaagat kisiannili attaveqaatitigut attaveqatigiittuartarlutik,” sunngiffimmi aqutsisoq Birgitta Kammann Danielsen, Avannaata Kommunianeersoq oqaluttuarpoq.
Camp Kulloq-p iluatsinnera isumaqarpoq, sunngiffimmi aqutsisoq aamma Peqatigiiffit Kalaallit Meerartai siunissami ataatsimoorluni aaqqissuussanik Kullorsuarmi ukioq tamaat pilersitsisarnissaat ilaqutariinnut, meeqqanut inuusuttuaqqanullu. Pilersaarut taajuuteqarpoq Ikinngutiinneq aamma Peqatigiiffik Kalaallit Meerartaat suleqatiginninnissumut qilanaarput.
” Angajoqqaat aana-aatakkullu amerlasuut takusarpagut, Kullorsuarmi aasaanerani tammaarsimaarfimmut takkuttuartartut. Tamanna torrappoq taamaattumillu eqqarsarpugut, toqqammavissaqqilluartoq nunaqarfimmi pilersaarutinik nutaanik pilersitsinissaq.” Peqatigiiffik Kalaallit meerartaanni suliassanut ineriartortitsinermilu siunnersortaa Rikke Louise Kuhn oqaluttuarpoq.
Pilersaarut pillugu uani annertunerusumik paasisaqarsinnaavutit: https://www.fgb.dk/ikioqatigiinneq
