Suulut Vetterlain, Saqqaq
Nuannerpoq, pissarsiaqarnarpoq assingiinngittunik aalisarnerup tungaatingut.
Pingaarnertut immaqa Inatsisissaq massakkut ukiortaamiik atuutilertussaq itinersusumik paasisaqarfingalungu ilorfaallannarpoq.
Naalakkersuisoqarfimmiik sulisut oqaloqatigivakka paasisaqarnarpoq. Taavalu aalisarnermut atortut nutaat saqqummertut takullugit nuannerpoq, pilerinartut.
Julia Jensen, Saqqaq/Saattut
Assorujuk nuannerpoq maaniilluni aamma nunaqarfimminngaanneeratta qanimut suleqatingalungit kiinat ilisarnartut,
telefonikkut attavigisartakkangut naapillungit oqaloqatigisinnaallungit nuannerpoq, nutaamillu pissarsiaqarnarluni.
Angallateqarpugut, AWI-mi sulisut, forsikring-imi sullissungut, taavalu pisiniartarfingut qanimut takullungit iluarpoq.
Niels Kristian Vetterlain, Ilulissat
Naammanginartorujussuuvoq ajunngilaq maaniilluni, kisianni siornatigut naleqqiullungu ukiut siulii eqqarsaatingingukkit soorluuna kiattaqalaarnerusoq, una pillungu områderpassuanngorsimangamik, taavalu pisunngornartorujussuanngorluni. Tullissaanut neriuuteqarpunga oqaluuserisat ikannerussasut.
Anusivunga, qimmeqarpunga, taava uku takullungit akikillisaasut iluatsillugit pisingama.
Amikkitsinnalaarpoq ugguuna aalisarnerup tungaatingut eqqartorluarnerusariaqarpoq oqartussaninngaanniik, pingaartumik Aalisarnermut Naalakkersuisoq annertunerusumik oqaluuserineqarluarnerusinnaavoq, aalisangaannaat pinnangit kisianni aamma qilalukkat aamma piniakkat allallu eqqartorluarnissaat amingaatingaakka.
