Kommune-mut pilersaarummut ilassut tamanut saqqummiunneqarpoq 11.12.2024, ullormiillu tassanngaannik kommune-mut pilersaarummkut ilassut inatsisitigut atuutilerluni.
Sanaartorfissaq nr. 31 sanaartorfissaq nr. 24-mut peerneqarsimasumut taartissatut siunnersuugineqarpoq.
Kommunimut pilersaarummut tapiliussaq uani link-imi atuarneqarsinnaavoq: bit.ly/OBA30
Pilersaarusiornermut immikkoortortaqarfik attavigineqarsinnaavoq Plan@avannaata.gl- imut allalluni.
Sanaartorfissat atorneqanngitsut
Matumuuna ilanngullug nalunaarutigineqassooq, sanaartorfissanut suli qinnutigineqanngitsunut nunaminertamik qinnuteqartoqarsinnaammat:
Sanaartorfissat nr. 8, 27,28,29,30,31 illunut saqqummiunneqartunut sap.ak. pingasuni kommune-p pilersaarutaani aalajangersagaq § 5.2 malillugu illuinnarnut peqatigiiffinnullu tunngasunut.
Sanaartorfissat nr. 12,13 biilinut toqqorsivinnut sap.ak. pingasuni, taamaallaallu qinnutigineqarsinnaallutik immikkoortoq A30-mi illuliornernut atasumik.
Sanaartorfik nr. 29 (pisiniarfik) sap.ak. arfinilinni nivigatinneqassooq kommune-mut pilersaarummi aalajangersakkat § 5.3 sanaartorfissat sanaartorfigineqanngitsut inuussutissarsiornermut kiisalu suliffeqarfinnut tunngasunut.
Piffissat suliaqarnissallu pilersaarutaat
11.12.2024: Ullormik tassanngaanniik nunaminertanik sanaartorfissanik qinnuteqaatinik nassiussisoqarsinnaalissooq.
02.01.2025: Nal. 16:00 qinnuteqaatit tigoorarnerat matugallassooq sanaartorfissanut nr. 8, 12, 13, 27, 28, 29, 30, 31.
22.01.2025: Nal. 16:00 qinnuteqaatit sanaartorfik nr. 29 (pisiniarfik) tigooraaneq matugallassooq.
Saqqummiussinermi qinnuteqarnissamut killiliunneqartup iluani qinnuteqaatit piukkunnartut arlallit sanaartorfissamut pineqartumut tunngasut tiguneqarpata, taava nunaminertami sanaartortussaq makitsinikkut nassaarineqassaaq. Makitsineq tamanut ammasumik ingerlanneqassaaq.
Qinnuteqartut ilisimatinneqarumaarput makitsineq sumi aamma qaqugu pissanersoq.
Paasissutissat annertunerusut Teknikkeqarfimmi Nunaminertalerisunut piniarneqarsinnaapput areal@avannaata.gl.
Nunaminertamik inniminniiniarluni qinnuteqaat uunga nassiunneqassaaq, Nunaminertalerisut, Teknikkeqarfik, Noah Mølgårdip aqq. 9, Postboks 1023, 3952 Ilulissat, imaluunniit uunga nassiullugu areal@avannaata.gl.