Ilulissani inissiat amingaataaqaat illoqarfiullu kujasinnerusortaata kangiani pisiniarfinnik allanillu illoqarfimmi atuuttunik pilersitsinissamut periarfissanik amigaateqarpoq, tamaani inissiaqarfinnut atasunik.
Taamaattumik tapiliussap uuma periarfissaqalersippaa, Hafnarfjordur-ip aqqusernata kangiatungaani Sisorarfiullu kitaatungaani Qitiusoqarfimmik nutaamik pilersitsinissaq, illuliorfissat minnerpaamik 80 %-ii inissianut immikkoortinneqassallutik.
Kommune-p pilersaarutaanut ilassut nr. 31-mut siunnersuut tamanut tusarniutigineqassooq piffissami: 02.12.2024-mit 27.01.2025 ilanngullugu
Kommune-p pilersaarutaata tapiata siunertaa:
Kommunimut pilersaarummut tapiliussaq aqqutigalugu sanaartorfissat tallimat pingaarnernik sukumiinerusunillu aalajangersagalerlugit pilersinneqassapput, taamaliornikkut periarfissaqalissaaq inissianik/illunik tallimanik quleriilinnik qitiusoqarfittut inissiaqarfittullu pilersitsinissaq.
Kommune-mkut pilersaarutip ilassutissaanut siunnersuut sap.ak. 8-ni tusarniutigineqarpoq. Piffissami tassani, innuttaasut, suliffiit, suliffeqarfiit, peqatigiiffiit il.il. maalaarutinik tunniussisinnaapput, oqaasertalerlugit aammalu allanngornissaanik siunnersuuteqarnikkut.
Tusarniutaasumut akissutit kommunep nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt.mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamaik tusarniaasoqareerpat akerliussutaasinnaasut imaluunniit allannguutis-satut siunnersuutaasinnaasut kommunalbestyrelsimit suliarineqassapput, tama-tumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissa-qaruit, taakku kingusinnerpaamik kommunimit tiguneqareersimassapput ulloq 27.01.2025
Qinnuteqaat kommunip nittartagaani uani takuneqarsinnaavoq www.avannaata.gl imaluunnit kommunimi pilersaarutip nittartagaani uani http://kommuneplania.avannaata.gl
