airplanebooksbriefcase business cogs cross election entertainment fish house law lockmedicalpeopleselfservices socialtax

Ilungersuussilluartoq Paarisa-miit nersorneqarpoq

22. januar 2025

Pinaveersaartitsinermut siunnersorti Pele Kleemann imminut toqunnissamik pinaveersaartitsinermini suliarisartagai kajumilersitsisut pillugit nersornaaserneqarpoq.

 

Peqatigiiffik Paarisa, Pele Kleemannimut nersornaasiivoq, taanna Avannaata kommuniani pinaveersaartitsinermut siunnersortitut sulisuuvoq. Ukiorpassuit ingerlaneranni suleqaterpassuaqartarnermigut Upernaviup eqqaani nunaqarfinnut pikkorissaajartortarpoq.


Pele Kleemann imminut toqunnissamik pinaveersaartitsinermut pikkorissaasarnerminik nuannarineqarlunilu ilisimaneqarluarpoq, tassani inuit assigiinngitsunik suliffillit aamma peqatigiiffillit imminut toqunnissaminnik eqqarsaateqartunik takunnissinnaalernissaannut oqaloqatiginnissinnaalernissaannullu ilinniartittarpai.

 

Taamaammat aamma Avannaata Kommuniata nittartagaani Pele Kleemannip qasusuilluni suliarisartagarpassui pillugit allaatigisat amerlasuut nassaarisinnaavatit.  Soorlu allaaserisaq una: Imminut toquttarnermik pinaveersaartitsinermi sakkussanik pikkorissaanerup ingerlanneqarsimanera

Imminut toquttarnermik pinaveersaartitsinermi sakkussanik pikkorissaanerup ingerlanneqarsimanera

 

Pele Kleemann nersornaaserneqarpoq ilungersuussilluartutullu innersuunneqartoq imannak oqaasertalerneqarsimavoq:

 

”Imminut toqunnissamik pinaveersaartitsinermi suliaqarnerit immikkuullarissumik isumaqarpoq, neriuummik, piumassutsimillu tunniussisumik. Inuppassuarnut allannguinerit allannguinissamut kaammattuutaavoq. Isumasioqatigiinnermi Qamani 2024-imut atatillugu innersuussineq ingerlanneqarnikuuvoq. Innersuunneqarsimaninni pilluarit.”  

 

Nersornaammik tunineqarninni pilluarit - suliarujussuarnullu qujanaq