Nuussuarmi, Innaarsunni, Kullorsuarmilu atorfillit namminerlu kajumissutsiminnik sulisut 40-t, ulluinnarni meeqqanik inusuttunillu sullissisartut imminut toquttarnermik pinaveersaartitsinermi pikkorissarneqarput.
Upernavik Kujallermi pikkorissartut 11-t peqataasimapput Tasiusamilu 7-t peqataasimallutik.
Pikkorissaaneq ulluni pingasuni ingerlanneqarpoq peqataasullu inuit imminut toqunnissaminnik ilimanaatillit takusinnaalernissaanut sungiusarneqarput. Pikkorissaanermi inuk artorsaateqartoq oqaloqatiginissaanut sungiusarneqarlutillu workshop-ertinneqarput.
Pikkorissaaneq Paarisa, Center for Folkesundhed kiisalu Avannaata Kommuniata akornanni suleqatigiinnikkut pilersinneqarpoq, tassani pinaveersaartitsinermut siunnersorti Pele Kleemann Upernavik, pikkorissaanerni suliaqangaatsiarsimavoq.
Pilersuisoq og JK Charter v/ Jan Kleinschmidt najukkani tapersersueqataapput.
Tamanut qujarujussuarpugut!
Avannaata Kommuniani imminut toquttarnerit ikilisinnissaat isiginiarneqarpoq. Taamaammat tulluusimaaqqaagut aamma nuannaaqaagut nammineq kajumissutsiminnik peqatigiiffiit aamma ingerlatsiviit suleqatigiimmata aamma pikkorissaanerni ilinniartitsinernilu peqataasut tamaasa QUTSAVIGERUJUSSUARPAGUT, sammisamut pikkorissarmata – aamma aningaasaleeqataasut kiisalu suleqataasut qutsavigaagut.
Allagaq tamaat atuaruk una download-lerlugu:
Upernavik Kujalleq november 2024
