Immikkoortoq B04-imi nunaminertat inuussutissarsiorfiusinnaasut maanna qinnutigineqarsinnaalerput.
Immikkoortumi B04-imi sanaartorfissanik inuttaqanngitsunik siullernik etape 1-imut qinnuteqartitsineq matumuuna kommunimit nalunaarutigineqarpoq.
Immikkoortumi siullermi (etape 1) illuliorfissat makku ilaatinneqarput, illuliorfissat nr. 1-11 aamma 44-46, kiisalu 52-54.
|
Illuliorfissaq nr. |
Illuliorfissap angissusia, [m2] |
Portuner-paaffissaq |
Sanaartorfissagissaa-nerup akia [kr.] |
Isumannaallisaanerup killeqarfia (qaartiterutaasivik): |
|
1 |
981 |
62 |
86.656,18 |
Iluaniippoq |
|
2 |
863 |
62 |
76.232,71 |
Iluaniippoq |
|
3 |
1133 |
62 |
100.083,03 |
Iluaniippoq |
|
4 |
902 |
62 |
79.677,76 |
Iluaniippoq |
|
5 |
1280 |
62 |
113.068,21 |
Iluaniippoq |
|
6 |
2155 |
60 |
190.360,94 |
Ilaannaa iluaniippoq |
|
7 |
1089 |
59 |
96.196,32 |
Ilaannaa iluaniippoq |
|
8 |
775 |
59 |
68.459,27 |
Avataaniippoq |
|
9 |
2501 |
58 |
220.924,69 |
Avataaniippoq |
|
10 |
464 |
59 |
40.987,23 |
Avataaniippoq |
|
11 |
296 |
59 |
26.147,02 |
Avataaniippoq |
|
44 |
3401 |
59 |
300.425,77 |
Ilaannaa iluaniippoq |
|
45 |
1136 |
60 |
100.348,04 |
Iluaniippoq |
|
46 |
1206 |
61 |
106.531,46 |
Iluaniippoq |
|
52 |
2042 |
63 |
180.379,13 |
Iluaniippoq |
|
53 |
1173 |
64 |
103.616,42 |
Iluaniippoq |
|
54 |
2497 |
63 |
220.571,35 |
Iluaniippoq |
Pingaaruteqarpoq immikkoortumi tamaani maleruagassat suut atuunnersut paasiniarluarnissaat, kommunimut pilersaarummut tapiliussap nr. 15-ip atuarluarneratigut. Immikkoortoq ILU 1200-B04 – Ilulissat Avannaani Inuussutissarsiuteqarfik, 04.04.2024 akuerineqartoq.
Immikkoortoq B04 immikkoortortanut illuliorfissanullu aggulunneqarsimavoq, immikkoortoq siulleq (etape 1) B04.1 aamma B04.3-mik taaguuserneqarlutik.
Kommunimut pilersaarummut tapiiussaq pissarsiariniarneqarsinnaavoq Sanaartornermut Avatangiisinullu Ingerlatsivimmi Nunaminertalerinermik aqutsisoqarfimmut saaffiginnilluni imaluunniit kommunip nittartagaani atuarneqarsinnaalluni læses på kommunens hjemmeside 1200-B04.
Kommunimut pilersaarummut tapiliussaq naapertorlugu illuliorfissat atuuffissaattut siunertaq
Immikkoortoq B04.1
Immikkoortoq B04.1 immikkoortinneqarpoq inuussutissarsiorfissatut illuliorfissatut, soorlu sannaviit, sanaartornermi oqimaatsunik atortullit (entreprenørit) suliffeqarfii, quersuit, tunisassiorfiit assigisaallu, kiisalu silami ilioqqaaviit.
|
Illuliorfissaq nr.: |
Atuuffia |
|
1-5 |
Taamaallaat illuliorfissaq silami ilioqqaavik ilanngunnagu |
|
6-11 og 44-46 |
Ilioqqaaviinnaq pineqarpat, sapinngisamik nunaminertat kommunip ilioqqaavissatut pilersitai atorneqassapput, maani illuliorfissat illuliornermut atorneqarniassammata. |
Immikkoortoq B04.3
Immikkoortoq B04.3 immikkoortinneqarpoq inuussutissarsiorfissatut illuliorfissatut, soorlu sannaviit, sanaartornermi oqimaatsunik atortullit (entreprenørit) suliffeqarfii, quersuit, tunisassiorfiit assigisaallu, kiisalu Upalungaarsimasut qatserinermut sungiusartarfiattut ilioqqaaviattullu.
|
Illuliorfissaq nr.: |
Atuuffia |
|
52-54 |
Ilioqqaaviinnaq pineqarpat, sapinngisamik nunaminertat kommunip ilioqqaavissatut pilersitai atorneqassapput, maani illuliorfissat illuliornermut atorneqarniassammata. |
Illuliorfissat siulliit (etape 1) nalunaarutigineqartut ingerlataqarfiit illutaannaanut tunngasuussapput, piffissaq tamakkerlugu sulliviussanatik.
Assersuutigalugu quersuaasinnaapput assigisaallu, kisianni allaffittaqassanngillat ullormut suliffik tamakkerlugu inuttaqartussanik.
Taamatuttaaq imerpalasunik atortunilluunniit ikuallajasunik, kiisalu qaartartunik isumannaallisaanermut killeqarfiup iluani uninngatitsisoqassanngilaq. Qaartiterutaasivik allamut nuunneqassagaluarpat, isumannaallisaanermut killeqarfik atorunnaassaaq, tamaanilu atuinissamut annertusisamik killilersuutit atorunnaassallutik.
Sanaartorfissagissaaneq
Sanaartorfissagissaaneq annertunerusutigut pisimavoq, illuliorfissallu angissusia naapertorlugu sanaartorfissagissaanermut akiliuteqartitsisoqassaaq.
Nunaminertanik tunineqarumaartussat suleriaatsit nalinginnaasut malissavaat, Avannaata Kommuniani nunaminertanik tunniussineq pillugu aalajangersakkat nalinginnaasut naapertorlugit, illuliorfissat pillugit inniminniinissamut/tunineqarnissamut nalunaarutinut atatillugu.
Qinnuteqartut makku eqqumaffigissavaat:
- Inatsisit tunngavigalugit kinaluunniit; inuk, suliffeqarfik, ingerlatseqatigiiffik imaluunniit peqatigiiffik illuliorfissamik ataatsimik tunineqarsinnaavoq, eqqumaffigiuk ilaqutariit imminnut qanittut arlalinnik qinnuteqarsinnaanngimmata.
Qinnuteqarfissamut killigititaasup qaangiunnerani qinnuteqaat ammarneqarpat, nalilersorneqassaaq malittarisassat malinneqarsimanersut. Paasineqarpat taamaassimanngitsoq, qinnuteqartut malittarisassanik unioqqutitsisimasut qinnuteqaataat atorsinnaanngitsutut nalilerneqassapput.
Qinnuteqartoq ataaseq annerpaamik illuliorfissanik marlunnik qinnuteqarsinnaatitaavoq. Illuliorfissanik marlunnik qinnuteqaammut ilanngunneqassapput, illuliorfissanik marlunnik qinnuteqarnermi allaganngorlugu tunngavilersuut, ilanngullugu sooq illuliorfissamik anginermik ataatsimik qinnuteqartoqannginnera.
Qinnuteqaammut ilanngunneqassapput
- Inissisimaffissaq pillugu pilersaarut qanoq inissisimanissaanik qinnutigineqartullu angissusissaanik takutitsisoq.
- Sanaartukkap atornissaa inissisimaffissaalu pillugit paasissutissat.
- Titartakkat nassuiaatitallit, isikkussaa atortussallu suut atorlugit sananeqaateqarnissaanik nassuiaasut (pilersaarusiornermi tunngavissat piumasaqaataasut malinneqassammata).
- Aningaasaqarnermut paasissutissat, pisariaqartumik uppernarsaasut, qinnutigineqartup piviusunngortinneqarsinnaanera pillugu.
- Illuliassat sanaartorniakkallu anginerit eqqarsaatigalugit pissutsit tamakkiisut erseqqissarneqassapput, kommunalbestyrelsip qinnuteqaammik nalilersuinissaa eqqarsaatigalugu aamma nunaminertap atornissaa kommunimut pilersaarummut naapertuuttussaanera eqqarsaatigalugu.
- Qinnuteqaatit, paasissutissanik uppernarsaatinillu taaneqartunik imallit kisimik suliarineqarumaarput.
Qinnuteqartup akisussaaffigaa qinnuteqaat naammattumik eqqortumillu erseqqissarneqarsimanissaa. Qinnuteqaatit kommunimit qimerloorneqarnavianngillat qinnuteqarfissamut killigititaasoq sioqqullugu.
Qinnuteqaatit, ulloq 25.04.2025 unnuap qeqqa sioqqullugu piffissamik eqquisutut qinnuteqaatitut suliarineqassapput, ulloq 25.04.2025 unnuap qeqqa qaangerlugu takkuttut qinnuteqaatitut isigineqassanngillat.
Nunaminertanik agguaanissaq ima ingerlanneqassaaq
Qinnuteqaatit, piumasaqaatit minnerpaaffissaannik naammassinnittut akornanni, qinnuteqarfissap ulluata kingulliup kingorna sapaatip akunnerata marlulluunniit ingerlanerani kommuni makitsissaaq. Qinnuteqarsimasut tamanna pillugu ilisimatinneqarumaarput, sumi qaqugulu makitsineq piumaarnersoq. Makitsineq tamanut ammasumik ingerlanneqassaaq kommunillu nittartagaatigut facebook-imilu qupperneratigut nalunaarutigineqarumaarluni.
Tamatuma saniatigut innersuussutigineqarput Avannaata Kommuniani nunaminertanik tunniussineq pillugu aalajangersakkat nalinginnaasut.
Paasissutissat amerlanerusut pissarsiarineqarsinnaapput Sanaartornermut Avatangiisinullu Ingerlatsiveqarfimmi, Nunaminertalerinermik aqutsiveqarfimmut areal@avannaata.gl -imut saaffiginnilluni.
Nunaminertamik inniminniiniarluni qinnuteqaat Nunaminertalerinermik aqutsiveqarfik, Sanaartornermut Avatangiisinullu Ingerlatsiveqarfik, Noah Mølgårdip aqq. 9, Postboks 1023, 3952 Ilulissat-nut nassiunneqassaaq imaluunniit mail-ikkut uunga nssiunneqassalluni areal@avannaata.gl
