Kommunimut pilersaarummut tapiliussatut siunnersuut nr. 58 ILU 1200-B11 “Ilulissani inuussutissarsiornikkut immikkoortortaq”
Avannaata Kommunia aalisarnermut suliffeqarfimmit Aalisa ApS-imit, Immikkoortoq B11-imi, aalisakkerivissamik nutaamik sanaartortitsinissamut sanaartugassatut nutaanik sanaartorfissanik immikkoortitsisoqarnissaanik qinnuteqaammik tigusaqarnikuuvoq.
Kommunimut pilersaarummut tapiliussatut siunnersuut nr. 58 piffissami uani tamanut tusarniutitut saqqummiunneqarpoq: Ulloq 26.03.2025 – 07.05.2025 ilanngullugu.
Læs mere: Kommunimut pilersaarummut tapiliussassatut siunnersuut nr. 58
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 7. maj 2025.
Kommunimut pilersaarummut tapiliussap siunertaa
Kommunimut pilersaarummut tapiliussatut siunnersuut nr. 58 immikkoortup ilaani B11-mi sanaartorfissat nutaat saqqummiunneqarput, sanaartugassat piumasaqaataasut sanaartornissaat periarfissinniarlugu.
Sanaartorfissat 1 aamma 8 qinnuteqartumut, Aalisa ApS-imut inniminnigaapput, taamaalilluni suliffeqarfimmit tunisassiorfiup ataqatigiinnissaa pitsaasuunissaalu qulakkeerneqassammat. Sanaartorfissaq 2 Nukissiorfiit-nut immikkoortinneqassaaq, taamaasillutik sakkortusaaviliorsinnaaniassammata.
Kommunimut pilersaarummut tapiliussatut siunnersuut sapaatip akunnerini arfinilinni tusarniutigineqassaaq. Piffissami tassani kikkut tamarmik – innuttaasut, suliffeqarfiit, paaqqinnittarfiit, peqatigiiffiit il.il. - akerliullutik nalunaaruteqarsinnaapput, oqaaseqarsinnaapput aamma allannguutissatut siunnersuuteqarsinnaapput.
Tusarniaanermut akissutit kommunip nittartagaa aqqutigalugu toqqaannaq allassinnaavat https://kommuneplania.avannaata.gl/tusarniaanerit-hoeringer/tusarniaanermut-akissut/ imaluunniit e-mailerlutit uunga Plan@avannaata.gl
Akissuteqaatit aamma sumiiffigisanni Sullissivimmut imaluunniit kommunerisannut tunniussinnaavat.
Tamanut saqqummisitsinerup kingorna kommunalbestyrelsip akerliulluni nalunaarutaasinnaasut aamma allannguutissatut siunnersuutit suliarissavai tamatumalu kingorna siunnersuut inaarutaasumik akuerineqassalluni.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 07.05.2025.
