Juunip aallaqqaataa 2025-miit takornarissat UNESCO-mut eqqaanullu alakkaasut 10 euro-mik akiliuteqartalissapput. Isissutissaq takornarissap Ilulissat illoqarfiata Ilulissallu kangiata akornani nunami, matumani pisuffissani kajortumi (sungaartumi), aappaluttumi aamma tungujortumi angalaarnissaanut periarfissiivoq.
Ataasiarluni akiliineruvoq takornarissallu Ilulissaniinnera tamaat atuutissalluni, isertitallu ilaatigut pisuttuarfiit ikaartarfiillu aserfallatsaalineqarnerannut ulluinnarnilu nakkutilliinermut tapertaassapput.
Avannaata Kommunia, UNESCO immikkuullarissuteqaqisoq pillugu paasissutissiinissaminik pisussaaffeqarpoq, isissutissamillu pisinermi minutsinik 30-nik audioguide-mik atuisoqarsinnaavoq, sumiiffimmi pinngortitap piorsarsimassutsikkullu oqaluttuassartaa tassani oqaluttuarineqarpoq.
Pingaaruteqarpoq erseqqissassallugu Akiliuteqarnermi Ilulissat illoqarfiata Ilulissallu kangiata akornani nuna tamaat angalaarfigineqarsinnaalissammat – pisuttuarfissat kisiisa pinnagit. Tamanna isumaqarpoq pisuttuarfissakkut eqqaatigulluunniit pisuttuarniarnermi pinngitsoornani akiliuteqartussaaneq piumasaqaataavoq.
Nunatsinneersut akiliuteqartassanngillat.
Isissutissaq qanoq pisiarisinnaanerlugu uani atuarsinnaavat: kangia.gl UNESCO-mut alakkaaneq akeqalissaaq & Site Fee - FAQ
