Kommunalbestyrelsimi ataatsimiinneq kikkunnut tamanut ammasuuvoq, nipilersornertaqarluni, orniguttunit tigulluarneqartumik ilaasortatullu qinigaarlaanut tapersersuisoqarluarluni.
Kommunalbestyrelsimi ilaasortat nutaat ivertinneqarnerat aammalu Lars Erik Gabrielsenip (S) borgmesterinngornera, Avannaata Kommuniani politikkikkut kapitalimik nutaamik aallarniineruvoq.
Jens Napãtôᴋ (N) borgesterimut siullertut tullersortinngorneratigut aammalu Heidi Møller (D) borgmesterimut aappaatut tullersortinngorneratigut nutaamik kommunalbestyrelsimi ilaasortanngortut, ukiuni aggersuni sammiviliissapput.
Kommunalbestyrelsimi ataatsimiinnerup kingorna Ilulissani Sermermiuni kaffillertoqarpoq. Upernavimmi aamma kaffillertoqarpoq, matumani Jens Napãtôᴋ aammalu Knud Kristiansen kommunip allaffianiillutik, Teamsilu aqqutigalugu ataatsimiinnermi peqataapput.
Kommunalbestyrelsimut nutaamut Siumut Nalerarlu siuttuussapput, suleqatigiinnissamillu isumaqatigiissut kommunip nittartagaani atuarsinnaavat.
Nittartakkami aamma siusinnerusukkut kommunalbestyrelsemi ataatsimiittarnernit ullormut oqaluuserisassat imaqarniliallu atuarsinnaavatit.
