Ilulissani napparsimaveqarfik nakorsiariartorlutik suliartorlutillu tikittartut inissaannik amigaateqarpoq. Taamaattumik kommunimut pilersaarummut tapiliussatut siunnersuummi uani peqqissaasut inissiaat Edvard Sivertsenip aqqusernaniittut imaqanngittut ullumikkumullu naleqqutinngitsut isaternissaat periarfissaalissaaq, kingornalu quleriiaanik sanaartortoqarluni, pingaarnertut Napparsimaveqarfiup unnuisarfissaatut.
Kommunimut pilersaarummut tapiliussaq nr. 61 uani atuarneqarsinnaavoq.
Kommunimut pilersaarummut tapiliussap siunertaraa sanaartorfissanik nutaanik periarfissiinissaq, taamaaliornissamullu B-125-mi sanaartukkat pioreersut isaterneqartariaqarput. Taamaalillutik Napparsimaveqarfimmut nakorsiariartortut suliartorlutortullu inissaat Edvard Sivertsenip Aqqusernani sananeqarnissaat pisinnaalissaaq.
Sanaartorfiup inissisimaffia annertussusaalu annikitsumik allanngortinneqassapput. Sanaartorfissami nutaami inissiat quleriit pingasut sananeqarsinnaalernissaat akuersissutigineqarpoq.
Kommunimut pilersaarummut tapiliussami nutartikkami immikkoortup ilaani 1200-A10.2-mi periarfissiinerit nutaat kisimik sananeqarput. Immikkoortup ilaani 1200-A10.1 'Blokkit qernertut' Jørgen Guldagerip Aqqutaaniittut allannguuteqassanngillat.
Apeqqutissaqarussi Pilersaarusiornermut immikkoortortaqarfik attavigisinnaavat e-mail una atorlugu: plan@avannaata.gl
