"Nuannaarutingalungu oqaatingissuara borgmesteritut atuutilerninniit allaffissuarmi pittaasumik tingulluarneqarlunga suleqatingiinnermik pittaasumik takutitsivingineqarama suliassanut assut oqilisaataasumik. Suliat aallartiortortut aammalu erseriartortussat annertuut ornippangut suleqatingiinneq pisariittumik aallartinneqartoq annertuumik pissutaaqataalluni," taama oqarpoq borgmesteri.
llanngullugu tikkuarpaa, suliat angisuut arlallit aallartinneqareersimanerat.
"Nunaqarfiit, illoqarfiit allat, sanaartorneq, ilaqutareeqarneq, atuartitaaneq, ilinniarfeqarfiit, assingiinngittorpassuillu allannguiffiussapput ukioq manna aallartittumik. Nunaqarfinni aqqusinigissaaneq aallartinneqareerpoq Ilulissanilu portusuunik inissialiortiternissaq, Avannaa Development suleqatigalugu pilersaarusiorneqarpoq.
Atuarfeqarneq immikkut isiginiarneqarpoq
Suliassaqarfiit pingaarnerpaat ilagaat meeqqat atuarfiat. Taassuma ataani allannguutit arlallit aallartisarneqarput:
- 2026-imi januaari aallartiffigalugu ukiumut ullut atuartitsiviusartut 200-niit 180-inut ikilisinneqassapput.
- Atuarsinnaaneq allassinnaanerlu ukiuni atuartitsiviusuni siullerni ukkatarineqarnerulissapput.
- Atuartitsissutit ikinnerusut, atuartut itisiliinerusinnaaniassammata.
- Eqqarsartaatsikkut tatitussutsikkullu nukittorsaanerit ingerlanneqalissapput ukiunut naleqqussakkamik.
- Aningaasanik aqutsineq, imaanilu isumannaattumik angalaneq isertikkiartuaarneqassapput.
- Ilinniartitsisut suliaminnut nukissarissaarnissaat aammalu peqqissuullutik suliffimminnik ingerlataqarnissaat pingaartillungu ingerlaaseq allanngortinneqassooq.
Naggasiutigalugu borgmesteri erseqqissaavoq: "Kommunalbestyrelsip sulinera pillugu ingerlaavartumik paasissutissiisarniarpugut. Uani eqqaanngisangut imaanngilaq puujoringut. Ingerlarsorpugut – qilanaarivaralu ataatsimoorluta Avannaata Kommuniani allannguinerit pitsaasut pilersikkumaarlutigit," taamatut Lars Erik Gabrielsen (S) oqariartuuteqarpoq.
