Suliniut pillugu qinnuteqaammik saqqumiussineq
Immikkoortup ilaani 1200-A25-mi Ilulissani, nutaanik inissialiornissamut suliniummik qinnuteqaat
Avannaata Kommunia matumuuna immikkoortup ilaani 1200-A25-mi Ilulissani Nasiffiup aamma Seersuit eqqaanni nutaanik inissialiornissamut suliniutissatut siunnersummik saqqummiussivoq.
Saqqummiussineq piffissaligaavoq ulloq 16.09.2025-miit 28.10.2025-mut ilanngullugu.
Siunnersuut uani takuneqarsinnaavoq
Saqqummiussineq una Pilersaarusiorneq aamma nunaminertat atorneqartarnerat pillugit Inatsisartut inatsisissaannik nalunaarut nr. 4, 25. januar 2024-meersoq naapertorlugu suliarineqarsimavoq, taassuma Kommunalbestyrelsi nunaminertap immikkoortua pillugu atuisinnaanermik pisinnaatitaanerup nalunaarutiginissaanut periarfissippaa, taassuma tunngaviusumik pilersaarusiunnginnerani.
Suliniut ima imaqarpoq:
Suliffeqarfik siunnersuisartoq Masanti (sanatitsisoq Unique Tours Greenland sinnerlugu) suliniut pillugu qinnuteqaammik nassiussivoq Ilulissani Seersuit Aqq. eqqaani inissianik nutaanik sanatitserusulluni. Sumiiffik illoqarfimmit kujammut kangimut inissisimavoq, arsaattarfiup eqqaani. A-illut pingasut kiisalu inissiaatileqatigiiffiit sisamat arfarleriiaattut sananeqarnissaat qinnutigineqarpoq.
Sumiiffiup naammaginartumik atorluarneqarnissaa anguniarlugu inissianut sanaartorfissat sisamat aamma pilersinneqassapput, annerpaamik quleriinnik marlunnik portutigisinnaasut, taakku atorneqartussaanngitsutut nalunaarutiginerumaartussaapput. (Illuliorfissat 5-8)
Immikkoortortap ilaa avannamut annikitsumik annertusiallatsinneqassaaq, tamatumalu malitsigisaanik immikkoortup ilaata 1200-D11-ip killeqarfia allannguuteqalaassalluni.
Suliniut pillugu siunnersuutit allaanerit aamma oqaaseqaatit allat.
Piffissap saqqummiussiffiup nalaani - innuttaasutut, suliffeqarfittut, paaqqinnittarfittut, peqatigiiffittut il.il. maanna immikkoortup ilaanut suliniutissanik allanik siunnersuutinik nassiussisinnaavutit, soorluttaaq siunnersuummut saqqummiunneqartumut allanik oqaaseqaateqarsinnaasutit aamma akerliliissuteqarsinnaasutit.
Suliniutissatut siunnersuutit allat oqaaseqaatillu tiguneqarumaartussat Kommunalbestyrelsimi suliniutissatut siunnersuummut nunaminertamik inniminniilluni aalajangiisoqannginnerani suliarineqassapput. Suliniutissatut siunnersuummik allaanermik ataatsimik amerlanerusunilluunniit tunniussisoqassappat pappilissat nassiunneqartut aallaavigalugit naliliisoqassaaq. Nunaminertamik inniminniinermik tunniussisoqassappat qinnuteqartup tamatuma kingorna kommunimut pilersaarummut tapiliussamik sanatitsissaaq, qinnutigineqartoq periarfissinnissaanut.
Suliniutissatut siunnersuutinut allanut piumasaqaatit tamakkiisut kommunimut pilersaarummut nittartakkami nassaarineqarsinnaavoq aamma uani atuarneqarsinnaavoq: ISERFISSAQ
Suliniutaasinnaasut allat pillugit siunnersuutit oqaaseqaatillu:
Piffissap tusarniaaffiusup ingerlanerani pilersaarutinik allaanerusunik qinnuteqaatinik takkuttoqassagaluarpat, makku tulleriinneri pingaarnersiukkat tunngavigalugit nalilersuisoqassaaq:
- Aningaasaqarnermut paasissutissat, qinnuteqaatigineqartup piviusunngorsinnaaneranik uppernarsaasut.
- Suliarinninnermut piffissaq pillugu pilersaarut pingaarneq.
- Isumassarsiaq sumullu atorneqarnissaa pillugu paasissutissat.
Piffissamut aamma sanaartornissamut pilersaarutit.
Ullormit 16.09.2025: immikkoortup ilaa pillugu oqaaseqaatinik kiisalu suliniutaaratarsinnaasunut allanut siunnersuutit nassiunneqassapput.
Ullormut 28.10.2025: nal. 16:00 oqaaseqaatinik tigooraaneq, kiisalu suliniutaaratarsinnaasunut allanut siunnersuuteqarsinnaaneq matussaaq.
Tusarniutaasumut akissutit kommunip nittartagaanut toqqaannartumik nassiussinnaavat
uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt. mailikkut uunga: plan@avannaata.gl Suliniut pillugu siunnersuutit allaanerit aamma oqaaseqaatit allat pillugit nassiussiffissaareersumut.
Aamma akissuteqaatit najukkanni Sullissivimmut imalunniit kommunimut nassiussinnaavat.
Siunnersuutit ilitsersuutillu Pilersaarusiornermut immikkoortortaqarfimmut saaffiginninnikkut pissarsiarineqarsinnaapput, oqarasuaat: 701800 imaluunniit e-mailikkut: Plan@avannaata.gl
