Immikkoortoq tamanna Kangiata Illorsuanut aamma UNESCO-p nunataanut, takornarianit, ilisimatuunit najukkamilu innuttaasunit ornigarluarneqartartup qanittuaniippoq.
Siunnersuutigineqarpoq immikkoortup ilaa C21 (qitiusoqarfik), allineqassasoq , taamaalilluni siunissami amerlanerusunik atuuffeqalersillugu, soorlu pisiniarfiit, kiffartuussiviit assigisaallu eqqarsaatigalugit. Allilerineq pissaaq nunaminertaq sanaartorfigeqqusaanngitsoqD02 (qimmiliveqarfik) 730 m2-nik ilanngarlugu, kiisalu inuussutissarsiuteqarfik B07 2.960 m2-nik ilanngarlugu. Taamaalilluni kommunimut pilersaarummut tapiliussap nutaap innuttaasut qinnuteqaataasa piviusunngortinneqarnissaat ajornarunnaarsissavai.
Kommuni, qinnuteqaatit takkussimasut tunngavigalugit, Kommunimut pilersaarummut tapiliussassatut nr. 63 ILU 1200-C21-tut siunnersuut ”Sermermiut Aqqutaa Qitiusoqarfik”, suliarisimavaa, maanna tamanut tusarniutigalugu nassiunneqaqqammersoq.
Tusarniaanissamut piffissaliussaq: 19. septembari 2025 – 14. novembari 2025
Siunnersuut isumaqarpoq, qitiusoqarfik, C21, katillugu 3.690 m2-mik allineqassasoq. Allilerineq kujammut kimmut pissaaq ullumikkut qimmiliveqarfiusumut aamma avannamut kangimut ullumikkut inuussutissarsiuteqarfiusumut.
Siunnersuut tamakkerlugu uani atuarsinnaavat:
Kommunimut pilersaarummut tapiliussaq nr. 63 pillugu siunnersuut:
Tusarniaanermut piffissaliussami kikkut tamarmik – innuttaasut, suliffeqarfiit, peqatigiiffiit, meeqqeriviit il.il. – akerliliisinnaapput, oqaaseqarsinnaapput allannguutissatullu siunnersuuteqarsinnaallutik.
Akissuteqaatit uku aqqutigalugit nassiussinnaavat:
- Kommunip pilersaarutaata nittartagaa: Tusarniaanermut akissuteqaatinik nassiussigit:
- E-mailikkut uunga:
Plan@avannaata.gl - Najukkanni Sullissivinnut ornigullutit tunniunneratigut imaluunniit kommunimut allakkatigut nassiussinikkut
Tusarniaanermut akissuteqaammik nassiussinissamut killigititaq: Kingusinnerpaamik 14. novembari 2025
Tusarniaanerup kingorna qanoq pisoqassava?
Tusarniaanermut piffissaliussaq qaanngiutereerpat, oqaaseqaat siunnersuutillu tunniunneqarnikut nassiunneqarnikullu kommunalbestyrelsip misissuataarumaarpai. Tamatuma kingorna kommunimut pilersaarummut tapiliussaq inaarutaasumik akuersissutigineqarsinnaanngussaaq.