Kommunimut pilersaarummut tapiliussassatut nr. 44-tut siunnersuut tamanut tusarniaanermut sivitsukkamut saqqummiunneqarpoq, piffissami: 03.10.2025-miit 24.10.2025-mut.
Kommunimut pilersaarummut tapiliussaq nr. 44 pillugu siunnersuut
Kommunimut pilersaarummut tapiliussap siunertaa
Oqaluffiup ataa eriagisassaatitaavoq, qajartuarnermut atorneqartartoq, pingaartumik kalaallit qajaat atorlugit.
Oqaluffiup ataa qaannanik qalipaatigissaartunik ilaatigut nunami ajornartorsiuteqartarsimavoq.
Kommunimi pilersaarummut tapiliussami oqaluffiup ataani qaannat nutaaliat ilitsivissaannik periarfissaqartitsinissaq anguniarneqarpoq, imatut paasillugu piffimmi kultoorikkut eriagisassat allanngortinneqassanngitsut.
Siusinnerusukkut tusarniaaneq tunngavigalugu kommunalbestyrelsi aalajangerpoq qaannat nutaaliat ilitsivissaannik nunaminertanik pingasunik immikkoortitsisoqassasoq. Ataaseq Qaannat peqatigiiffiata illuaraata tunuani, ataaseq nakorsap illuata napparsimaviullu akornanni, taavalu angineq napparsimaviup kitaatungaani.
Tamanut ammasumik tusarniaaneq
Kommunimut pilersaarummut tapiliussassatut siunnersuut sapaatip akunnerini pingasuni tusarniutigineqarpoq. Piffissap taassuma iluani innuttaasut, suliffeqarfiit, inissiisarfiit, peqatigiiffiit allallu tamarmik akerliliisinnaapput, oqaaseqaateqarsinnaapput allannguutissatullu siunnersuuteqarsinnaallutik.
Tusarniaanermut akissutit kommunip nittartagaa aqqutigalugu toqqaannaq allassinnaavat (https://kommuneplania.avannaata.gl/tusarniaanerit-hoeringer/tusarniaanermut-akissut/) imaluunniit e-mailerlutit uunga Plan@avannaata.gl
Akissuteqaatit sumiiffigisanni Sullissivimmut imaluunniit kommunerisannut aamma tunniussinnaavat.
Tamanut saqqummiussinerup kingorna kommunalbestyrelsip akerliulluni nalunaarutaasinnaasut aamma allannguutissatut siunnersuutit suliarissavai tamatumalu kingorna siunnersuut inaarutaasumik akuerineqarsinnaassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 24.10.2025
Ilitsersuut
Siunnersuutit ilitsersuutillu Pilersaarusiornermut immikkoortortaqarfimmut saaffiginninnikkut pissarsiarineqarsinnaapput, mail: Plan@avannaata.gl
