Ilulissani oqalugiarpoq, assitaalu Uummannami orpiup ikinneqarneraninngaaneerpoq.
Asasakka nunaqqatit meeqqat inersimasullu arnat angutillu.
Nuannaarutingaara ullumikkut orpiup ikinneranut atatillungu najuussinnaangama oqaaseqarlunga, misingisaq uannut nutaajuvoq isumaa minnaarneqarsinnaanani .
Juulleriartulerpoq qaammaqqutit ikaliartorput angerlarsimaffinni suliffeqarfinni ilaatingullu aqqusinitsinni, tamakku ikititernerisa eqqaasittuarpaatingut juulli ornikkipput, ilaqutariittut ataatsimoornissat ornikkingut, nerilluartarumaarluta, inuillu takujuanngisangut aamma peqatingisarumaarlutingit.
Meerannguit qilanaaruteqarnerat puiussanngilarput, ulapaaraluartungut angajoqqaatut meerannguit juullimut naattorsuuteqartarput, kissaateqartarput,eqqarsartarpullu sumik tunisissanerlutik ,tunineqalaarnissarmi meeqqanut isumaqaqaaq , angajoqqaatut neriorsuisimaneq pisussaaffiliisarpoq, pingaarporli aamma sippulimmik neriorsuinnginnissaq pakatsisitsisinnaaneq angisarmat amerlangunaqaammi tamatuminnga misingisineqarsimasut, eqqaamatingu angerlarsimaffiit tamarmik pingissaarfiunnginnerat, inoqatinut sunnguamik tunniussilaarsinnaaneq aamma eqqaamasartingu nunaqqatingiittullu tunissut tassaasinnaammat asanninneq aamma nunaqqatinut qanitarinngisanut, aammali tunissut pingaarnerpaaq taannaangili asanninneq.
Ukiuni atukkatsinni sukkasuumik allanngoriartorfiusuni angerlarsimaffiup ingerlalluarnissaa pingaaruteqarpoq, ilaqutariittut pingaartitsingu angerlarsimaffik aamma meeqqat ilaaffingimmassuk, misingissuseqarmata, angajoqqaatullu ileqqungut mianersuutassaammata meerannguanut sunniutaat annertummata, meeqqat namminneq isummersorsinnaasariaqarput, toqqissimasumik angerlarsimaffeqartariaqarput ,pingaarnerpaarli tusaatillungit isingitillungillu ileqqut peqqinnanngittut anngussuuttarnerini nangitsillutik pingiliussisarmata.
Naggataatingut meerannguit juullernissaanut qilanaartusi ullumikkut orpiup ikinneratingut apuukkusupparput ilissinnut juullip tipaatsunnartuata pingaaruteqarnera ilissilu pillusi inersimasuusungut pisussaaffipput naammassissangatsingu tassaasoq juullimi misingisasasi nuannersuussasut aammali ullusi tamarluinnarmik ilissinnik illersuiffiussasut.
Angajoqqaat, aananakkut aatakkut ilaqutaasullu tamassi orpiup ikinnerani pilluaritsi sapaassuillu aallartittut ataatsimoorfittut atorluakuttoorisingit.
”tusaakkit meeqqat nipaat ,juulli erinarsuutingaat illut silataannut pillutik apummi tumaarpalaarlutik.
Juulliaqqap ullaakkuani meeqqanut pingitangili , taakkuami tassa tamani juulliaraq ullorimmassuk ”
Eqqaamatingu sooq meeraqalersimanerput, taakkualu ullut tamaasa illersungassaringatsingit.