Inuussutissarsiornermut siunnersorti Arnarulúnguaq Petersen & Nalik Venture tikilluaritsi
Nalik Venture aamma Avannaata Kommunia, immikkut aallarnisaanermik ukkataqartussamik aammalu Avannaata Kommunia tamakkerlugu inuussutissarsiornermik ineriartortitsinermik suliaqartussamik.
Inuussutissarsiornermut siunnersorti tassaavoq Arnarulúnguaq Petersen allaffeqarlunilu B7-mi Ilulissat umiarsualivianut qanittumi. Sanioqqullutit alakkalaarnissarnut imaluunniit Arnarulúnguamut arnp@avannaata.gl atorlugu attaveqarnissarnut tikilluaqquneqarputit.
Nalik Venture Ilulissani ornigarluarneqartumik paasisitsiniaalluni ataatsimiisitsereernikuuvoq, ilaatigut qanoq siunnersorneqarsinnaaneq, tunisassianik ineriartortitsineq pillugu tapiiffigineqarsinnaaneq, suliniutit mikinerusut pillugit taarsigassarsisinnaaneq namminersortutullu allatut tapersersorneqarsinnaaneq pillugit. Neqeroorutaat erseqqinnerusumik alakkartersinnaavatit nalik.gl iserfigalugu.
Pilersaarutaavoq kommunimi inoqarfiit allat kommunip Nalik Venture-llu inuussutissarsiornermut siunnersortaanit 2026-ip aallartinnerani tikinneqarumaartut.
Nalik Venturemi siunnersorti Edvard Lyberth Mørch Ilulissani paasisitsiniaalluni ataatsimiisitsinermi peqataavoq innuttaasullu qulit, soqutiginnillutik ikioqqusut ataatsimeeqatigereersimavai.
