Qeqertarsuup Tunuani qassusersorluni inuussutissarsiutigalugu aalisarneq pillugu Avannaata Kommunianut ileqqoreqqusassatut siunnersuutit tusarniutingineqarput. Tusarniaanermi uku qulequttat pingaarnertut taaneqarsinnaapput:
Qaammatit
Siunnersuutingineqarpoq qassusersorluni qaammatit aalisarfiusinnaasut januar, februar, marts, april maajilu allanngortinneqassanngittut.
Piniutit
Aaliangersaanerit piniutit pillungit ‘Aalisarnerup teknikikkut iluarsartuussivigineqarnera pillungu Namminersorlutik Oqartussat nalunaarutaat’ naapertorlungu ingerlanneqarput.
Nalunaarummi tassani sukumiisumik piniutit pillungit aalisartut malitassaat nalunaarsoqqapput, ilaallu ileqqoreqqusami ersarissarneqarlutik.
Ileqqoreqqusami nutaatut qassutit uiuleriinneqarsinnaanerat tassanilu annertussusiliineq ersarissarneqarpoq.
Sumiiffiit
Sinerissap qanittuani aalisarneq qassusersorluni sumi ingerlanneqarsinnaasoq nalunaarsorneqarpoq qulaani qaammatit taaneqartut iluani.
Ilulissat eqqaani ukiuni arlalinni karsiliinissaq eqqartorneqartoq siunnersuutaavoq atuutilissasoq. Atuisut ukiut arlallit ujartortarsimasaat Ilulissat Kommuniungallarmat sineriammiit 1 sømil avasitsingisumut killeqarfik siunnersuutaavoq ikkunneqassasoq. Avannamut kujammullu killeqarfii ilanngussami takuneqarsinnaapput.
Torsukattammi killeqarfik silavaallanneqarpoq 3 sømil missaani aamma taanna ilanngussami takuneqarsinnaavoq.
Ilanngussaq [Ileqqoreqqusassatut siunnersuut]
Ilanngussaq [Immap assingi, Ilulissat eqqaa, Torsukattak]