Ilulissani utoqqaat illuata immikkoortortassaata nutaap napparnersiorneqarneranut najugaqalerumaartussat qaaqqusaasimapput.
Tassani sanaartornermi pilersaarusiornermi aqutsisup Glenn Jacobsenip sanaartornermik suliaqartunit KJ Greenland Constructionimeersup sanaartorfik qaaqqusanut takornariartippaa ineqarfiusussat ataatsimoorlunilu isersimaartarfiusussat il.il. aqqusaartortillugit.
Takornariartitsereernermi pølsit, burgerit, sandwichit kaagerpassuillu sassaalliutigineqarput.
Sila qiianaraluartoq utoqqaat nuannisavissorput ineqarfissaminnullu nutaarsuarmut uternissartik qilanaartorujussuusut oqaatigineqarpoq.
Utoqqaat illuata allineqarnerata nutarterneqarneratalu nalaani utoqqaat illoqarfimmi atuartut ineqarfiini utaqqiisaasumik najugaqartinneqarput.
Naatsorsuutigineqarpoq utoqqaat isertersinnaalerumaartut 2026-ip naalernerani.
