Avannaata Kommuniata matumuuna Ilulissani Nuugaarsummi, immikkoortortami 1200-C19-imi, hoteli nutaaq pillugu suliniummut siunnersuut saqqummiuppaa.
Piffissaq tusarniaaffiusoq: 01. juuli – 12. aggusti 2026
Suliniummut siunnersuut tamakkiisoq uani atuarsinnaavat:
Hotel Anchor Bay pillugu suliniummut qinnuteqaat
Pilersaarummut ilaapput
Ilulissat Invest ApS-ip Hotel Anchor Bay-p Ilulissani Nuugaarsummi sananeqarnissaanut suliniummut qinnuteqaat nassiussimavaa. Ilulissat illoqarfiata allilerneqarneranut atatillugu Nuugaarsuk qitiusumik atuuffinnut, inissianut inuussutissarsiornermullu pilersaarusiorfigineqarpoq. Qinnuteqaatigineqarpoq illu pingasunik quleriilik, 80-inik initalik (148-inik siniffissaqartoq), katillugit 2.210 m²-inik angissusilik.
Suliniummut siunnersuutit allat oqaaseqaatillu allat
Piffissami tusarniaaffiusumi kikkut tamarmik – innuttaasut, suliffeqarfiit, peqatigiiffiit, sullissiviit il.il. – immikkoortortaq pillugu suliniummut siunnersuutinik allanik nassiussisinnaapput, akerliliissutinik saqqummiussisinnaapput, oqaaseqaateqarsinnaallutik allanillu malugeqqusissuteqarsinnaallutik.
Nunaminertamik inniminniisoqassanersoq aalajangiiffigineqartinnagu, Kommunalbestyrelsip suliniummut siunnersuutit allat oqaaseqaatillu tiguneqartut suliarissavai. Suliniummut siunnersuutinik allanik ataatsimik arlalinnilluunniit tigusaqartoqassappat, nassiunneqarsimasut aallaavigalugit nalilersorneqassapput. Nunaminertaq inniminnerneqassappat, qinnuteqartup tamatuma kingorna kommunimut pilersaarummut tapiliussaq qinnutigineqartumut periarfissiisoq suliaritissavaa.
Suliniummut siunnersuutinik allanik nalilersuineq
Suliniummut siunnersuutit allat makku tunngavigalugit nalilersorneqassapput:
- Qinnutigineqartup piviusunngortinneqarsinnaaneranik uppernarsaasunik aningaasaqarnermut paasissutissat.
- Suliap ingerlanneqarnissaanut piffissamut pilersaarut pingaarneq.
- Isumassarsiaq atuinissarlu pillugit paasissutissat.
Tusarniaanermut akissuteqarnissamut piffissaliussaq: Kingusinnerpaamik 12. aggusti 2026
Akissutit uku aqqutigalugit nassiussinnaavat:
- Kommunimut pilersaarutip nittartagaatigut: Tusarniaanermut akissut nassiuguk
- E-mailikkut uunga: Plan@avannaata.gl
- Najukkanni Sullissivimmut ornigullutit tunniullugu imaluunniit allakkerivikkut kommunimut nassiullugu
Siunnersorneq ilitsersorneqarnissarlu pisariaqartinneqarpata, Pilersaarusiornermut Immikkoortortaqarfik oqarasuaatikkut 701800-imut imaluunniit e-mailikkut Plan@avannaata.gl-imut saaffigineqarsinnaavoq.
Tusarniaanerup kingorna qanoq pisoqassava?
Piffissaq tusarniaaffiusoq naappat, Kommunalbestyrelsip oqaaseqaatit siunnersuutillu tiguneqartut misissussavai. Tamatuma kingorna kommunimut pilersaarummut tapiliussaq inaarutaasumik akuerineqarsinnaavoq.