Ilulissani hotelimik nutaamik siniffissanik 148-nik inissaqartitsisumik sanaartortoqarsinnaanngorpoq. Hoteli 2028-p ingerlanerani naammassineqassasoq naatsorsuutigineqarpoq.
Hoteli nutaaq Ilulissat avannaani Nuugaarsummi sananeqassaaq, suliffeqarfillu Ilulissat Invest ApS hotelimik sanaartornissamut qinnuteqartuusimavoq.
Kommunalbestyrelsip 28. september 2026 ataatsimiinnermini hotelimik sanaartornissamut qinnuteqaat akuersissutigaa.
Suliniut siusinnerusukkut tamanut tusarniaassutigineqarsimavoq, tusarniaassutinullu atortussani hotelip titartagartai, ilusiliat kiisalu hotelimik sukumiinerusumik nassuiaatit takuneqarsinnaapput. Uani annertunerusumik atuarit: Hotel Anchor Bay
Hotelimut atatillugu aamma sulisunut inissiat tallimat kiisalu illuaqqat mikisut pingasut sananeqassapput.
Kommunalbestyrelsip ataatsimiinnerinit imaqarniliat Avannaata Kommuniata nittartagaani atuarneqarsinnaapput: