Avannaata Kommunia kommunimut qinersisoqassaaq ulloq marlunngorneq 1. april 2025 nal: 9 - 20. 

Qinersiviit nal. 9 ammarneqassapput nal. 20 matuneqarlutik.

Kommunalbestyrelsimi ilaasortat 17-it qinerneqassapput.

Kommunimut qinigassanngortittut nalunaarutigineqarnerat - kingusinnerpaamik februaarip ulluisa 18-anni 2025 nal.12.00.
Kommunimut qinigassanngortittut nalunaarutigineqarnerat qinersinermut siulersuisunut tunniunneqassapput kingusinnerpaamik februaarip ulluisa 18-anni 2025 nal.12.00.

Qinersinermut inatsimmi § 14-17 naapertorlugit inuit qinersisinnaatitaasut kommunalbestyrelsimut qinigassanngortissinnaapput partii sinnerlugu, ataasiakkaatut imaluunniit kattusseqatigiinni ataasiakkaatut. Partiip avataani qinigassanngortinniaraanni qinigassanngortitsillutik atsiortut ikinnerpaamik 10-t  pissarsiarineqassapput. 

Qinigassanngortinniarluni immersugassat aakkit (downloaderuk) immersorlugillu uani:

Kommunalbestyrelsimut QINERSINERMI QINIGASSANNGORTINNIAKKAMIK nalunaarut

Kommunalbestyrelsinut qinersinissamut PARTIIP QINIGASSANNGORTINNIAKKANIK nalunaarutaa

Qinigassanngortinniarlunin Immersugassat aamma najukkami Sullissivimmut aaneqarsinnaapput.

Qinigassanngortinniarluni partiillu qinigassanngortitsiniarlutik nalunaarutiginninnerat immersoriikkat najukkami Sullissivimmut tunniunneqarsinnaapput imaluunniit qinersinermi siulersuisunut mail-ikkut uunga nassiunneqarsinnaapput valg@avannaata.gl

L 27 2016 Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsisaat