Avannaata Kommunia kommunimut qinersisoqassaaq ulloq marlunngorneq 1. april 2025 nal: 9 - 20. 

Qinersinissamut piffissaq sumiiffissarlu

Qinersiartorfissat nal. 09:00 ammassapput nal. 20.00 matussallutik.

Uani ilanngussami takuneqarsinnaavoq kommunimi inoqarfinni ataasiakkaani qinersineq sumi ingerlanneqassanersoq.

Kommunalbestyrelsimi ilaasortat 17-it qinerneqassapput.

Kommunalbestyrelsimut qinigassanngortittut 66-it - Uani atuaruk

Kommuninut aammalu Initsisartunut allakkatigut qinersisinnalereerputit

Kommunimut qinersisinnaavit?

Kommunimut qinersisinnaassaguit qinersinissamut pisinnaatitaallutillu qinersinermut allattorsimaffimmi allassimassaatit.

Qinersisinnaatitaavutit taamaalillutillu taasinissamut pisinnaatitaassaatit:

Ullormi qinersiviusumi 18-inik ukioqalereersimaguit aamma Avannaata Kommuniani qinersineq sioqqullugu sapaatip akunnerini 6-ini aalajangersimasumik najugaqarsimaguit aamma imaluunniit:

- Danskisut innuttaassuseqarlutit aammalu qinersinissaq sioqqullugu sivikinnerpaamik qaammatini arfinilinni ataqatigiissumik Kalaallit Nunaanni aalajangersimasumik najugaqarsimaguit, imaluunniit
- Sivikinnerpaamik ukiuni pingasuni naalagaaffimmi najugaqarsimasoq qinersinissarlu sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugaqarsimasoq
 
Kalaallit Nunaanni aalajangersimasumik najugaqanngikkuit kommunimut qinersisinnaavutit nuunnginninni inuit allattorsimaffianni sivikinnerpaamik ukiuni 2-ni nalunaarsorneqarsimaguit  aamma:

* Ilinniagaqarnerit pissutigalugu Kalaallit Nunaata avataaniikkuit

* Peqqinnissamut tunngasunik pissuteqarlutit Kalaallit Nunaata avataaniikkuit,

* Kalaallit Nunaanni qinigaallutit folketingimi ilaasortatut suliaqarninnut atatillugu Danmarkimiissimaguit,

* Imaluunniit Namminersorlutik Oqartussanut sinniisuullutit Kalaallit Nunaata avataaniikkuit

Kalaallit Nunaanni aalajangersimasumik najugaqartuusimanngikkuit, kisiannili qulaani piumasaqaatit naammassisimallugit, taava taasisinnaatitaanerit attatiinnarniarlugu taasisinnaasut allattorsimaffiannut ilanngunneqarnissat qinnutigissavat. Taamatut iliorsinnaavutit immersugassap uuma immersorneratigut, taannalu uunga nassiunneratigut avannaata@avannaata.gl

Kakkiussaq takujuk 

Kommunimut qinigassanngortittut nalunaarutigineqarnerat - kingusinnerpaamik februaarip ulluisa 18-anni 2025 nal.12.00.

L 27 2016 Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsisaat