26. november 2024 taasineq
Kommunip avinneqaratarsinnaanera pillugu Avannaata Kommuniani innuttaasut isumaannik paasiniaalluni taasisitsineq
𝐌𝐢𝐬𝐬𝐢𝐧𝐠𝐞𝐫𝐬𝐮𝐮𝐭𝐢𝐭𝐮𝐭 𝐭𝐚𝐚𝐬𝐢𝐭𝐢𝐭𝐬𝐢𝐧𝐞𝐪 𝐦𝐚𝐫𝐥𝐮𝐧𝐧𝐠𝐨𝐫𝐧𝐞𝐪 𝟐𝟔.𝐧𝐨𝐯𝐞𝐦𝐛𝐞𝐫 𝟐𝟎𝟐𝟒
Avannaata Kommuniani Kommunalbestyrelsi aalajangerpoq 𝐦𝐚𝐫𝐥𝐮𝐧𝐧𝐠𝐨𝐫𝐧𝐞𝐪 𝐧𝐨𝐯𝐞𝐦𝐛𝐚𝐫𝐢𝐩 𝟐𝟔-𝐚𝐧𝐢 𝟐𝟎𝟐𝟒-𝐦𝐢 kommunip avinneqaratsarsinnaanera pillugu siunnerfiliisumik innuttaasunik taasititsineq ingerlanneqassasoq.
Avannaata Kommunia nammineerluni aalajangersinnaanngilaa kommuni avinneqassanersoq imaluunniit qanoq avinneqassanersoq – Inatsisartut kisimik Kalaallit Nunaanni kommunit aaqqissugaaneri allanngortinnissaanut aalajangiisinnaatitaapput.
Kisianni kommunalbestyrelsi tamarmiusoq innuttaasut isumaat tusagaqarfiginissaannik kissaateqarput, taamaammat siunnerfiliisumik innuttaasunik taasititsineq aamma inerneri Inatsisartunut ingerlateqqinneqarumaarput.
Avannaata Kommuniani kommunalbestyrelsip marlunngorneq novembarip 26-ani 2024-mi kikkut tamarmik taasiartornissaannik taamatullu tusarneqarnissaannik kaammattorusuppai.
